بھارتی ریاست اتر پردیش کے ایک گاؤں میں ایک ہی خاندان کے 5 افراد گھر سے مردہ حالت میں برآمد ہوئے ہیں، مرنے والوں میں منیش کمار، ان کی اہلیہ سیما اور 3 بچے ہنی، پریانشی اور پراتیک شامل ہیں۔
بھارتی میڈیا کے مطابق منیش کی موت کرنٹ لگنے سے، اس کی بیوی کی موت پھندے سے لٹکنے سے جبکہ تینوں بچوں کی موت گلا دبانے سے ہوئی ہے، واقعے کا انکشاف اس وقت ہوا جب صبح بچوں کے گلی میں نہ آنے پر پڑوسی دروازہ توڑ کر گھر میں داخل ہوئے۔
پولیس کے مطابق گھر سے منیش کمار کی ریکارڈ کی گئی ایک ویڈیو بھی ملی ہے جس میں اس نے کہا ہے کہ یہ وہ یہ اقدام اپنی مرضی سے اٹھا رہے ہیں اور کسی کو اس کا ذمے دار نہ ٹھہرایا جائے۔
بھارت: 3 کم عمر بہنوں کی خودکشی، دورانِ تفتیش تہلکہ خیز انکشافات
بھارتی ریاست اتر پردیش کے شہر غازی آباد میں گزشتہ ہفتے بظاہر والدین کی جانب سے آن لائن گیم کھیلنے پر پابندی لگانے پر 3 کم عمر بہنوں نے عمارت کی 9 ویں منزل سے کود کر خودکشی کرلی تھی لیکن اب تفتیش کے دوران تہلکہ خیز انکشافات سامنے آئے ہیں۔
ویڈیو میں منیش کمار نے یہ بھی بتایا ہے کہ اُس نے حال ہی میں 12 لاکھ روپے میں ایک پلاٹ فروخت کیا تھا اور اس معاملے میں خریدار کا کوئی قصور نہیں ہے۔
بھارتی میڈیا کے مطابق پولیس کو گھر کی دیوار پر ایک تحریری پیغام بھی ملا ہے جس میں لکھا تھا کہ ’ہم، منیش اور سیما، اپنی مرضی سے اپنی جان لے رہے ہیں۔‘
بھارتی میڈیا کا کہنا ہے کہ دیوار پر لکھے گئے نوٹ اور ویڈیو پیغام سے معاملہ اجتماعی خودکشی کا لگتا ہے۔
Post time 2026-2-12 19:39:49
