امیر جماعت اسلامی حافظ نعیم الرحمٰن کا کہنا ہے کہ رپورٹس کے مطابق امریکا نے اسرائیل کو ہیمر بم فراہم کیے۔
حافظ نعیم الرحمٰن نے پریس کانفرنس کرتے ہوئے کہا کہ ہیمر بم سے درجہ حرارت بہت زیادہ بڑھ جاتا ہے، اس سے فلسطین پر بمباری کی گئی۔
حافظ نعیم نے دہشت گردی کی حالیہ لہر کو پریشان کن قرار دیدیا
امیر جماعت اسلامی پاکستان حافظ نعیم الرحمان نے دہشت گردی کی حالیہ لہر کو پریشان کن قرار دیا ہے۔
اُنہوں نے مزید کہا کہ ٹرمپ نے نیتن یاہو کو یہ بم دیے، ایسے لوگوں کے پیچھے حکمران چلیں تو کیا امن ہوگا؟ ٹرمپ کے پیس بورڈ پر پاکستان اور اسرائیل نے دستخط کیے، اس پر وزیراعظم قوم کو اعتماد میں لیں۔
حافظ نعیم الرحمٰن نے کہا کہ بلوچستان میں دہشتگردی ہوئی، بلوچستان عملاً مفلوج ہو گیا ہے، بلوچ عوام سے کہتے ہیں کہ حکمران طبقے میں آپ کے لوگ بھی ہیں۔
اُنہوں نے کہا کہ ہم ملک کو جوڑتے ہیں باقی پارٹیاں اپنے علاقوں میں محدود ہو گئی ہیں، بلوچ عوام میں احساس محرومی ہے، انہیں محسوس ہوتا ہے کہ ان کی تذلیل کی جاتی ہے۔
Post time 2026-2-12 20:58:04
