راولپنڈی کی انسدادِ دہشت گردی کی عدالت نے غیر حاضری پر بانیٔ پی ٹی آئی کی ہمشیرہ علیمہ خان کے ناقابلِ ضمانت وارنٹ جاری کر دیے۔
بانئ پی ٹی آئی کی بہن علیمہ خان کے خلاف 26 نومبر کے احتجاج پر درج مقدمے کی سماعت ہوئی، جس کے دوران علیمہ خان اور ان کے وکیل عدالت میں پیش نہیں ہوئے۔
علیمہ خان کے ناقابلِ ضمانت وارنٹ جاری، گرفتار کر کے عدالت میں پیش کرنے کا حکم
عدالت نے علیمہ خان کے ضامن کو بھی نوٹس جاری کرتے ہوئے سماعت کل تک ملتوی کردی
عدالت نے غیر حاضری پر علیمہ خان کے ناقابلِ ضمانت وارنٹ جاری کرتے ہوئے کہا کہ علیمہ خان کی غیر حاضری کا کوئی جواز نہیں، نہ انہیں استثنیٰ حاصل ہے۔
دورانِ سماعت این سی سی آئی کے سلمان ریاض کو گواہان میں شامل کرنے کی درخواست منظور کر لی گئی۔
اے ٹی سی نے علیمہ خان پر مقدمے کی مزید سماعت کل تک ملتوی کر دی۔
Post time 2026-2-13 00:51:57
