|
|
—سوشل میڈیا ویڈیو گریب
شوبز انڈسٹری کی معروف اسٹار ماہرہ خان اور شہریار منور کی شاندار پرفارمنس نے شادی کی تقریب میں رنگ جما دیا۔
معروف ہدایت کار عاصم رضا کی صاحبزادی مریم رضا کی شادی کی تقریبات کراچی میں نہایت دھوم دھام سے منعقد ہوئیں، جن میں شوبز انڈسٹری کی نامور شخصیات نے بھرپور شرکت کی۔
مریم رضا سابق صدر جنرل （ر） پرویز مشرف کی نواسی ہیں اور ان کی شادی کی تقریبات شاندار اور یادگار ایونٹ ثابت ہوئیں، اس پُررونق شادی میں ماہرہ خان، زارا نور عباس، شہریار منور اور کئی بڑے نام ایک ساتھ نظر آئے۔
دیگر تقریبات میں وہاج علی، یمنیٰ زیدی اور فواد خان کی شرکت نے بھی محفل کو چار چاند لگا دیے، مہندی کی ویڈیوز سوشل میڈیا پر وائرل ہو رہی ہیں جن میں ستاروں کی چمک دمک نمایاں دکھائی دے رہی ہے۔
مہندی کی تقریب میں ماہرہ خان اور شہریار منور نے فلمی انداز میں ڈانس کر کے حاضرین کے دل جیت لیے، دونوں کی کیمسٹری اور ہم آہنگی نے اسٹیج پر سماں باندھ دیا، تقریب میں شریک تمام ستارے اپنے جیون ساتھیوں کے ہمراہ خوش گوار موڈ میں دکھائی دیے اور رنگا رنگ موسیقی پر خوب رقص کیا۔
عاصم رضا کی صاحبزادی کی شادی شوبز انڈسٹری کے لیے بھی ایک یادگار اور اسٹار اسٹڈڈ ایونٹ بن گئی، جس کی جھلکیاں مداحوں میں خوب مقبول ہو رہی ہیں۔ |
|
Post time 2026-2-13 04:48:09