|
|
 تصویر سوشل میڈیا۔
عالمی شہرت یافتہ گلوکار، موسیقار، گیت نگار اور ریکارڈ پروڈیوسر اے آر رحمان نے اپنے مذہبی تعصب والے بیان پر ہونے والے ردعمل کے بعد وضاحت دیتے ہوئے کہا کہ بہتر ہے ہم آگے بڑھیں۔ جو مجھے جانتے ہیں، انہیں کسی مزید وضاحت کی ضرورت نہیں۔
اے آر رحمان نے چند ہفتے قبل برطانوی نشریات ادارے سے انٹرویو میں ہندی فلم انڈسٹری میں مذہبی تعصب پر گفتگو کی تھی جس نے ایک بڑی بحث کو جنم دیا تھا، جس کے بعد انہوں نے اپنی بات کی وضاحت کی تھی۔
تاہم حال ہی میں جب اس معاملے کے بارے میں ان سے سوال کیا گیا تو انہوں نے کہا کہ وہ اسے پیچھے چھوڑ چکے ہیں اور اب آگے بڑھ چکے ہیں۔
چنئی سے تعلق رکھنے والے 59 سالہ عالمی شہرت یافتہ گلوکار و موسیقار نے پوڈکاسٹ کے دوران انٹرویو میں اپنے بیانات پر ہونے والے ردعمل پر کھلے انداز میں گفتگو کی اور کہا کہ دیکھیں زندگی میں آپ کو تیاری کرنی پڑتی ہے اور ہمیں ہر چیز کے لیے تیار رہنا ہوتا ہے۔
اپنی وضاحت کی جانب متوجہ ہوتے ہوئے انہوں نے گفتگو کو وہیں ختم کرنے اور کسی اور موضوع کی طرف بڑھنے پر زور دیا اور کہا ہم سب جانتے ہیں۔ |
|
Post time 2026-2-13 07:24:05