|
|
 ---فائل فوٹو
پاکستان بزنس فورم کی جانب سے حکومت سے دودھ کی کمپنیوں کو ریگولیٹ کرنے کا مطالبہ کیا گیا ہے۔
پاکستان بزنس فورم نے کہا ہے کہ ڈیری مصنوعات روزمرہ کی ضرورت ہے لیکن اس پر کوئی چیک نہیں، دودھ والی کمپنیاں ریٹیل مارکیٹ میں فی لیٹر دودھ 360 روپے سے 380 روپے تک بیچ رہی ہیں۔
فورم کا کہنا ہے کہ قیمتِ خرید بمعہ لاجسٹکس چارجز ملا کر بھی 180 روپے فی لیٹر بنتی ہے، بھارت اور بنگلادیش میں ٹیٹرا پیک دودھ کی فی لیٹر قیمت پاکستانی روپے میں 250 سے 270 روپے ہے، معروف کمپنیوں کی 2025ء میں آمدنی 60 سے 100 ارب روپے کے درمیان ہے۔
پاکستان بزنس فورم کے چیف آرگنائزر احمد جواد نے مطالبہ کرتے ہوئے کہا ہے کہ حکومت بھی ڈیری مصنوعات میں جی ایس ٹی کی شرح 7 فیصد کرے، مہنگائی کم کرنے کے حکومتی وعدے دھرے کے دھرے رہ جاتے ہیں، حکومت ٹیٹرا پیک دودھ کی قیمت میں فی لیٹر 50 روپے کی فوری کمی کروائے۔ |
|
Post time 2026-2-13 10:39:07