|
|
 — فائل فوٹو
بنوں میں کاؤنٹر ٹیررازم ڈپارٹمنٹ （سی ٹی ڈی） نے انٹیلی جنس بیسڈ آپریشن کر کے مطلوب دہشتگرد کمانڈر کو گرفتار کرلیا۔
ایس پی سی ٹی ڈی کے مطابق گرفتار کیے گئے مطلوب دہشتگرد کمانڈر کی شناخت اسامہ کے نام سے ہوئی ہے جس کا تعلق بنوں سے ہے جو دانیال اور باغی کے نام سے معروف ہے۔
ان کا کہنا ہے کہ اسامہ نئی دہشتگرد تنظیم اتحاد المجاہدین پاکستان کا سرگرم کمانڈر تھا، دہشتگرد نے اسسٹنٹ کمشنر میرانشاہ پر حملے سمیت 9 بڑی کارروائیوں کا اعتراف کرلیا ہے۔
ملزم نے دسمبر 2025 میں اے سی میرانشاہ شاہ ولی خان پر حملے اور گاڑی جلانے کا اعتراف کیا۔ ملزم نے سابق ایس ایچ او عابد وزیر کے اغوا اور قتل میں ملوث ہونے کا بھی انکشاف کیا۔
ایس پی سی ٹی ڈی کے مطابق ملزم لکی مروت امن کمیٹی کے تین رہنماؤں کے اغوا اور قتل میں ملوث ہونے کا بھی اعتراف کر چکا ہے۔ |
|
Post time 2026-2-13 13:51:55