پاکستان شوبز انڈسٹری کے معروف میزبان، اداکار، کامیڈین اور ہدایت کار یاسر حسین نے حالیہ دنوں اوزیمپک （Ozempic） کے استعمال سے متعلق سوشل میڈیا پر اہم بیان جاری کرتے ہوئے چند پاکستانی فنکاروں پر طنزیہ تبصرہ کیا ہے۔
یاسر حسین سوشل میڈیا پر اپنی بے باک رائے کے باعث جانے جاتے ہیں اور اکثر شوبز شخصیات کے بارے میں کھل کر اظہارِ خیال کرتے ہیں۔
یاسر حسین نے اپنے انسٹاگرام اکاؤنٹ پر ایک تحقیق شیئر کی ہے جس میں دعویٰ کیا گیا ہے کہ اوزیمپک انجیکشن کے ممکنہ مضر اثرات میں بینائی کو نقصان، معدے کے مسائل، گردوں کو متاثر ہونا اور شدید صورت میں گردوں کی خرابی شامل ہو سکتی ہے۔
انہوں نے پوسٹ میں لکھا ہے کہ ہماری جان پہچان والے تو اوزیمپک استعمال کر کے بالکل فٹ ہیں، شاید اسی لیے مان نہیں رہے کہ وہ یہ لے رہے ہیں۔
میری سب سے بڑی کامیابی میری بیوی ہے، یاسر حسین
انہوں نے مزید کہا کہ اکثر لوگ خواتین کے کردار اور قربانیوں کو کم تر سمجھتے ہیں، لیکن اصل میں وہی اصل سہارا ہوتی ہیں۔
ان کے اس بیان کو سوشل میڈیا صارفین نے پاکستانی شوبز شخصیات پر طنز قرار دیا ہے جو حالیہ مہینوں میں تیزی سے وزن کم کرنے کے باعث خبروں میں رہی ہیں۔
یاد رہے کہ اوزیمپک دراصل ذیابیطس کے مریضوں کے لیے تیار کی گئی دوا ہے، تاہم حالیہ عرصے میں اسے وزن کم کرنے کے لیے بھی استعمال کیا جا رہا ہے، جس پر عالمی سطح پر بحث جاری ہے۔
Post time 2026-2-13 15:10:29
