پاک بھارت ٹاکرا: روہت شرما کی ہائی وولٹیج مقابلے سے پہلے بھارتی ٹیم کو وارننگ

slotcosino · Post time 2026-2-13 15:10:30

روہت شرما—فائل فوٹو

سابق بھارتی کپتان روہت شرما نے اپنی ٹیم کو پاک بھارت ٹاکرے سے پہلے خبردار کر دیا۔

روہت شرما سے ایک تقریب کے دوران یہ سوال پوچھا گیا کہ ٹی 20 کرکٹ میں کامیابی کو یقینی بنانا کتنا مشکل ہے کیونکہ صرف اس بات کو جان کر کوئی ٹیم ہمت تو نہیں ہار سکتی کہ بھارتی ٹیم اس بار ٹورنامنٹ چیتنے کے لیے فیورٹ ہے؟

اُنہوں نے اس سوال کا جواب دیتے ہوئے کہا کہ سب سے پہلے تو یہ واضح کر دوں کہ میں نے کبھی اس بات پر یقین نہیں کیا کہ ٹورنامنٹ میں کوئی ٹیم فیورٹ ہوتی ہے۔

بھارتی کرکٹر نے کہا کہ یہ ایک مضحکہ خیز کھیل ہے اور ہم نے دیکھا ہے کہ بین الاقوامی کرکٹ کے پچھلے 10 سال میں بہت کچھ ہوا ہے۔

ٹی 20 ورلڈکپ: کیا پاکستانی ٹیم کولمبو کے موسم کی وجہ سے مشکلات کا شکار ہو سکتی ہے؟

حکومت پاکستان نے قومی کرکٹ ٹیم کو آئندہ ٹی 20 ورلڈ کپ کھیلنے کی اجازت دے دی ہے لیکن بھارت کے خلاف شیڈول میچ کا بائیکاٹ کرنے کا فیصلہ کیا ہے۔

اُنہوں نے کہا کہ تمام کرکٹ ٹیمز کے پاس اب ٹی 20 کرکٹ کھیلنے کا اتنا زیادہ تجربہ ہے کہ آپ صرف گراؤنڈ میں جا کر یہ نہیں سوچ سکتے کہ یہ ہمارے لیے 2 نکاتی فتح ہے بلکہ ان 2 پوائنٹس کو حاصل کرنے کے لیے میچ کے دوران اچھی کرکٹ کھیلنی ہو گی ورنہ خالی ہاتھ گھر جانا پڑ سکتا ہے۔

روہت شرما نے کہا کہ ماضی میں کیا ہوا ہے، اسے بھول جائیں بلکہ اس بات پر دھیان دیں کہ ابھی ٹیم کی صورتِ حال کیسی ہے، کھلاڑی فارم میں ہیں یا نہیں ہیں اور جو میچ اب ہونے والا ہے، اس میں اچھا کھیلنا ہے کیونکہ ٹورنامنٹ میں موجود ہر ٹیم کسی بھی ٹیم کو ہرانے کی صلاحیت رکھتی ہے۔

واضح رہے کہ پاکستان اور بھارت کے درمیان میچ اتوار کو کولمبو میں شیڈول ہے جس کے لیے بھارتی کرکٹ ٹیم آج رات دہلی سے کولمبو پہنچے گی۔

		Remember me	Forgot password?
Password			立即注册

پاک بھارت ٹاکرا: روہت شرما کی ہائی وولٹیج مقابلے سے پہلے بھارتی ٹیم کو وارننگ

Related threads

Viewed forums