|
|
— فائل فوٹو
راولپنڈی پولیس کے ترجمان کا کہنا ہے کہ امن و امان کے لیے جوائنٹ سیکیورٹی پکٹس قائم کر دی گئی ہیں۔
راولپنڈی پولیس کے ترجمان نے کہا کہ راولپنڈی میں سیکیورٹی ہائی الرٹ کر دی گئی ہے، اس حوالے سے سی پی او خالد ہمدانی نے احکامات جاری کر دیے۔
ترجمان نے کہا ہے کہ ایس ایس پی آپریشنز ملک طارق محبوب نے جوائنٹ پکٹس کا دورہ کیا، انہوں نے فول پروف سیکیورٹی یقینی بنانے کے ہدایات کیں۔
راولپنڈی پولیس کے ترجمان کا کہنا ہے کہ بین الصوبائی شاہراہوں، موٹر وے، جی ٹی روڈ اور ملحقہ لنک روڈز پر خصوصی ناکے قائم کیے جا رہے ہیں، راولپنڈی کے تمام داخلی و خارجی راستوں پر ناکہ بندی اور سنیپ چیکنگ جاری ہے۔
ترجمان راولپنڈی پولیس نے کہا ہے کہ ٹرانسپورٹ اڈوں پر مسافروں کی کڑی نگرانی اور چیکنگ کی جا رہی ہے۔
راولپنڈی پولیس کے ترجمان کے مطابق سی سی پی او نے حساس مقامات پر سرچ، سوئپ، کومبنگ آپریشنز میں تیزی کی ہدایت کی ہے، جبکہ سیف سٹی کیمروں کے ذریعے اہم مقامات اور شاہراہوں کی مسلسل مانیٹرنگ کی جا رہی ہے۔ |
|
Post time 2026-2-13 19:43:24