|
|
— اسکرین گریب
پاکستانی شوبز انڈسٹری سے 35 برس تک وابستہ رہنے والی ماضی کی معروف اداکارہ عابدہ بیگ نے وزیرِ اعلیٰ پنجاب مریم نواز سے مدد کی اپیل کر دی۔
پی ٹی وی کے مشہور ڈرامے سونا چاندی سے شہرت حاصل کرنے والی معروف اداکارہ عابدہ بیگ کی ایک ویڈیو مختلف سوشل میڈیا پلیٹ فارمز پر وائرل ہو رہی ہے جس میں انہیں مریم نواز سے روتے ہوئے مدد کی اپیل کرتے دیکھا جا سکتا ہے۔
ویڈیو میں اداکارہ کا کہنا ہے کہ میں عابدہ بیگ ہوں جس نے 35 سال فن کی خدمت کی اور میرے مرحوم شوہر مرزا رشید اختر نے بھی 40 سال انڈسٹری کو دیے۔
انہوں نے کہا ہے کہ ہمارے گھر میتیں رکھی ہوتی تھیں لیکن ہم پھر بھی کام کے لیے سیٹ پر جاتے تھے، میں اس وقت بہت دُکھ میں ہوں، میرے ساتھ ظلم ہوا ہے، میری چھت چھن گئی ہے، میرے 2 بچے ہیں اور ان کے بھی چھوٹے چھوٹے بچے ہیں اور ہماری اتنی آمدنی نہیں ہے کہ کرائے کہ گھر میں رہ سکیں۔
عابدہ بیگ نے وزیرِ اعلیٰ پنجاب مریم نواز سے مدد کی اپیل کرتے ہوئے کہا کہ میری جمع پونجی میرا گھر تھا جس کے لیے میری مدد کی جائے۔
یاد رہے کہ سونا چاندی 1983ء میں پی ٹی وی سے نشر ہونے والا ایک کامیڈی ڈرامہ تھا۔ |
|
Post time 2026-2-13 21:01:02