پاکستان تحریک انصاف （پی ٹی آئی） کے مرکزی رہنما اسد قیصر نے کہا ہے کہ بانی پی ٹی آئی کی صحت پر کوئی سمجھوتا نہیں ہونا چاہیے، ماحول نارمل کرنا حکومت کے ہاتھ میں ہے۔
جیو نیوز کے پروگرام نیاپاکستان میں گفتگو کے دوران اسد قیصر نے کہا کہ ابھی حکومت نے اپوزیشن سے باضابطہ رابطہ نہیں کیا، بانی پی ٹی آئی کی صحت پر کوئی سمجھوتا نہیں ہونا چاہیے۔
بانی پی ٹی آئی کو اسلام آباد جیل لاسکتے ہیں، وزیر داخلہ محسن نقوی
وفاقی وزیر داخلہ سینیٹر محسن نقوی نے بانی چیئرمین پاکستان تحریک انصاف （پی ٹی آئی） کو اسلام آباد جیل مکمل ہونے پر منتقلی کا واضح پیغام دے دیا۔
انہوں نے کہا کہ ہمارا ایک ہی مطالبہ ہے کہ بانی پی ٹی آئی کو اسپتال منتقل کیا جائے ، فیملی جس اسپتال میں کہتی ہے وہ شفٹ کیا جائے۔
پی ٹی آئی رہنما نے مزید کہا کہ ایک ہفتہ پہلے ڈاکٹرز کے نام وزیراعظم کو بھیجے گئے ، کوئی پیشرفت نہیں ہوئی، سمجھ نہیں آرہا کہ حکومت کیا چاہ رہی ہے اور کیا کر رہی ہے۔
اُن کا کہنا تھا کہ کیا جیل میں مناسب سہولیات ہوتی ہیں کہ آنکھ کا علاج ہوسکے؟ بانی پی ٹی آئی کو جیل میں عام قیدی جیسی سہولیات دستیاب ہیں۔
اسد قیصر نے یہ بھی کہا کہ جب تک بانی پی ٹی آئی کو اسپتال منتقل نہیں کیا جاتا ہمارا دھرنا جاری رہےگا، ماحول کو نارمل کرنا حکومت کے ہاتھ میں ہوتا ہے۔
Post time 2026-2-14 04:09:51
فائل فوٹو 
