کراچی کے علاقے ملیر سٹی کی گھانچی مارکیٹ میں ڈاکوؤں نے سنار کی دکان کا صفایا کر دیا۔
پولیس کے مطابق واقعہ گزشتہ صبح پیش آیا جب ملزمان دکان کے تالے کاٹ کر سنار کی تجوری لے گئے۔
واقعے کا مقدمہ ملیر سٹی تھانے میں درج کر لیا گیا ہے۔
متاثرہ سنار کے مطابق تجوری میں 850 گرام سونا اور 15 لاکھ کیش تھا۔
سنار کا کہنا ہے کہ یہ 5 کروڑ روپے سے زائد کی واردات ہوئی ہے۔
سنار کی دکان میں نقب زنی، ملازم گرفتار، زیورات برآمد
کراچی رنچھوڑ لائن میں گذشتہ ہفتے سنار کی دکان پر...
پولیس نے مارکیٹ کے چوکیدار کو پوچھ گچھ کے لیے حراست میں لے لیا ہے۔
پولیس ملزمان کی سی سی ٹی وی فوٹیج بھی تلاش کر رہی ہے۔
قبل ازیں 5 روز پہلے سعید آباد میں بھی ملزمان نے سنار کی دکان کے تالے کاٹ کر واردات کی تھی جہاں ملزمان 40 لاکھ روپے سے زیادہ مالیت کے سونے اور چاندی کے زیورات لے گئے تھے جس کا مقدمہ سعیدآباد تھانے میں درج ہے۔
Post time 2026-2-14 15:13:41
—فائل فوٹو 
