بانیٔ پی ٹی آئی کے بیٹوں کے پاکستان کے سفر پر یلدا حکیم کے وائرل ویڈیو کلپ کی حقیقت سامنے آ گئی

slotcosino · Post time 2026-2-17 20:36:05

فوٹو کولاج — سوشل میڈیا

پاکستان تحریکِ انصاف （پی ٹی آئی） کے بانی کے بیٹوں قاسم اور سلیمان کے پاکستان کے سفر سے متعلق یلدا حکیم کی جانب سے وائرل ویڈیو کلپ میں کیے دعوے کی حقیقت سامنے آ گئی۔

سوشل میڈیا پر ایک ویڈیو کلپ وائرل ہے جس میں اسکائی نیوز کی صحافی یلدا حکیم کو یہ کہتے ہوئے سنا جا سکتا ہے کہ بانیٔ پی ٹی آئی کے بیٹے قاسم اور سلیمان پاکستان کا سفر کرنے کے لیے تیار تھے لیکن انہیں ٹیریان وائٹ نے روک دیا۔

اُنہوں نے ویڈیو کلپ میں کہا ہے کہ قاسم اور سلیمان پاکستان کا سفر کرنے کے لیے اس وقت تک راضی نہیں ہیں جب تک کہ عمران خان ٹیریان وائٹ سے ملنے کے لیے تیار نہ ہوں۔
یلدا حکیم کے وائرل ویڈیو کلپ کی حقیقت کیا ہے؟

10 فروری کو حکمراں جماعت پاکستان مسلم لیگ نواز سے تعلق رکھنے والی پنجاب اسمبلی کی رکن حنا پرویز بٹ نے سوشل میڈیا ویب سائٹ ایکس پر 59 سیکنڈز کا ایک ویڈیو کلپ پوسٹ کیا ہے۔

اُنہوں نے یہ ویڈیو کلپ پوسٹ کرتے ہوئے کیپشن میں لکھا کہ بانیٔ پی ٹی آئی نے قاسم اور سلیمان کو پاکستان آنے اور ملنے سے کیوں روکا؟ یلدا حکیم نے اس حوالے سے ایک دلچسپ دعویٰ کیا ہے۔

—فوٹو بشکریہ ایکس

حنا پرویز بٹ نے مزید لکھا کہ یلدا حکیم کے انکشاف کے بعد پی ٹی آئی کا یہ دعویٰ ہے کہ حکومتِ پاکستان قاسم اور سلیمان کو ان کے والد سے ملنے آنے سے روک رہی ہے۔

انہوں نے یہ بھی لکھا کہ یہ بات ثابت ہو چکی ہے کہ عمران خان کے بیٹوں کی پاکستان آمد میں کوئی اور نہیں بلکہ ان کے والد اور والد کی ریاستِ مدینہ کی پردہ پوشی ہی رکاوٹ ہیں۔

سوشل میڈیا پر یلدا حکیم کے وائرل ہونے والے اس ویڈیو کلپ کو دیکھ کر بہت سے لوگوں کو حیرانی ہوئی اور پھر مختصر تحقیق کے بعد ہی اس وائرل ویڈیو کی حقیقت سامنے آ گئی کہ یہ ویڈیو کلپ ایڈیٹِڈ ہے۔

عمران خان کے بیٹوں کا سیاست میں آنے کا بیان؟ وائرل کلپ کی حقیقت سامنے آگئی

پاکستان تحریک انصاف（پی ٹی آئی） کے بانی عمران خان کے بیٹوں قاسم اور سلیمان کے انٹرویو کی وائرل ویڈیو کی حقیقت سامنے آگئی۔

یلدا حکیم نے خود بھی اس بات کی تصدیق کی ہے کہ اُنہوں نے ایسا کوئی دعویٰ نہیں کیا بلکہ ان کی اصل ویڈیو کو کسی نے اے آئی ٹیکنالوجی کا استعمال کرتے ہوئے ایڈیٹ کیا ہے۔

اس کے علاوہ جیو فیکٹ چیک نے 9 فروری کو نشر ہونے والی اسکائی نیوز کی مکمل 1 منٹ 38 سیکنڈ کی رپورٹ کا خود بھی جائزہ لیا جس میں یلدا حکیم نے بانیٔ پی ٹی آئی سے ملنے کے لیے پاکستانی ویزے کے حصول کے لیے ان کے بیٹوں کی جانب سے دائر کی گئی درخواست کے بارے میں بتایا لیکن کہیں بھی ٹیریان وائٹ کا ذکر نہیں کیا۔

مزید برآں ہائیو موڈیریشن ایک ایسا پلیٹ فارم ہے جو اے آئی ٹیکنالوجی سے تیار کردہ مواد کی نشاندہی کر سکتا ہے، اس پلیٹ فارم نے یلدا حکیم کے سوشل میڈیا پر وائرل ویڈیو کلپ کے بارے میں یہ بتایا ہے کہ ممکنہ طور پر 99.8 فیصد اس ویڈیو کلپ کو اے آئی ٹیکنالوجی کی مدد سے تیار کیا گیا ہے۔

فوٹو — اسکرین شاٹ

		Remember me	Forgot password?
Password			立即注册

بانیٔ پی ٹی آئی کے بیٹوں کے پاکستان کے سفر پر یلدا حکیم کے وائرل ویڈیو کلپ کی حقیقت سامنے آ گئی

Related threads