نائلہ راجہ کی عماد وسیم سے دوسری شادی پر لپ کشائی، معاملے کو مزید نہ گھسیٹنے کی درخواست

slotcosino · Post time 2026-2-18 16:05:16

— تصاویر بشکریہ سوشل میڈیا

پاکستان کرکٹ ٹیم کے آل راونڈر عماد وسیم کی دوسری اہلیہ، وکیل و سوشل میڈیا انفلوئنسر نائلہ راجہ نے قومی ٹیم کے کھلاڑی سے دوسری شادی پر خاموشی توڑ دی۔

نائلہ راجہ جو فیشن اور سوشل ٹرینڈز سے متعلق مواد بنانے والی ایک سوشل میڈیا انفلوئنسر ہیں، وہ اس وقت خبروں کی زینت بنی تھیں جب ان کا نام کرکٹر عماد وسیم کے ساتھ مبینہ تعلقات کی افواہوں میں سامنے آیا۔

اس وقت دونوں نے ان افواہوں کی تردید کی تھی، جبکہ عماد وسیم کی پہلی اہلیہ ثانیہ اشفاق نے بذریعہ سوشل میڈیا پلیٹ فارم کھل کر اپنے شوہر کے مبینہ تعلقات اور بیٹے کی پیدائش کے موقع پر ان کی عدم موجودگی کے بارے میں بات کی تھی۔

بعد ازاں نائلہ راجہ نے بھی ان خبروں کی تردید کرتے ہوئے عماد وسیم کے ساتھ تصاویر کو محض فین مومنٹ قرار دیا تھا، تاہم وہی فین مومنٹ اب شادی کی تصاویر میں تبدیل ہو چکا ہے۔

نائلہ اور عماد کی مبینہ ویڈیو، نائلہ راجہ نے خاموشی توڑ دی

پاکستان کے سابق آل راؤنڈر عماد وسیم ان دنوں لندن میں ایک ماڈل اور سوشل میڈیا انفلوئنسر کے ساتھ دکھائی دیئے جانے کے بعد سوشل میڈیا صارفین کی توجہ کا مرکز بننے ہوئے ہیں۔

نائلہ راجہ نے اب انسٹاگرام پر ایک طویل پیغام شیئر کرتے ہوئے عماد وسیم سے اپنی شادی کی تصدیق کی اور اس فیصلے کو اپنی زندگی کے بہترین فیصلوں میں سے ایک قرار دیا۔

انہوں نے کہا کہ اگر مستقبل میں عماد اپنے بچوں کے ساتھ دوبارہ ملتے ہیں تو میں انہیں کھلے دل سے قبول کروں گی۔

سوشل میڈیا انفلوئنسر نے کہا کہ یہ میری سچائی ہے اور میں ماضی میں ہونے والی شدید تنقید کے باوجود اپنے مؤقف پر قائم رہوں گی۔

اپنے پیغام میں نائلہ راجہ نے لکھا کہ سوشل میڈیا پر مختلف رائے قائم ہونا اور ٹرینڈز بنانا آسان ہے، مگر اس کے نتائج حقیقی ہوتے ہیں اور اصل تکلیف وہی شخص جانتا ہے جو اس مرحلے سے گزرتا ہے۔

انہوں نے کہا کہ سوشل میڈیا پر مضبوط شخصیات کو بھی علیحدگیوں اور عوامی دباؤ کے باعث قرآن پر حلف اٹھانے جیسے حالات کا سامنا کرنا پڑا ہے، حتیٰ کہ مردوں کو بھی۔

یہ بھی پڑھیے

عماد وسیم کی دوسری شادی پر سابقہ اہلیہ نے خاموشی توڑ دی
عماد وسیم کی مبینہ گرل فرینڈ نائلہ راجہ کی ثانیہ اشفاق پر تنقید
ماڈل کے ساتھ مبینہ ویڈیو کے بعد عماود وسیم شہ سرخیوں میں

سوشل میڈیا انفلوئنسر نے خود کو ایک عام لڑکی قرار دیتے ہوئے کہا کہ میں نے اپنی محنت سے اپنا کیریئر اور زندگی بنائی ہے، ابتدا میں بیان دینے کی وجہ ممکنہ غلط فہمی کو دور کرنا تھا، کیونکہ میں ہمیشہ اپنے لیے کھڑی ہوتی ہوں، تاہم سوشل میڈیا پر ہونے والی تنقید دھمکی آمیز شکل اختیار کر گئی ہے اور میرے کردار اور وقار پر مسلسل سوالات اٹھائے جا رہے ہیں۔

نائلہ راجہ کے مطابق صورتِ حال اس وقت مزید سنگین ہو گئی جب بعض عناصر نے میرے کردار اور ذاتی زندگی کو نشانہ بنایا، میری محدود پرائیویسی مزید متاثر ہوئی، مجھے بغیر اجازت ریکارڈ کیا گیا اور ویڈیوز پھیلائی گئیں، میرے خاندان کو بھی نشانہ بنایا گیا، حتیٰ کہ میری نندوں کو بھی تنقید کا سامنا کرنا پڑا۔

ان کا کہنا ہے کہ جو لوگ گھر بچانے کی بات کرتے تھے، وہی ایک گھر کو نقصان پہنچانے کی کوشش کر رہے ہیں، میرے ماضی کو بھی کرید کر پیش کیا گیا۔

اپنی عروسی لباس میں تصاویر شیئر کرتے ہوئے نائلہ راجہ نے لکھا کہ اللّٰہ کے کرم اور اہلِ خانہ کی دعاؤں کے سائے میں میری شادی عماد وسیم سے ہو چکی ہے، یہ انتہائی تکلیف دہ ہے کہ جب لوگ خود کو بچانے کے لیے ایک تنہا عورت کو موردِ الزام ٹھہراتے ہیں، تاہم مجھے اللّٰہ پر مکمل یقین ہے۔

انہوں نے مزید کہا کہ میں نے کسی کو ڈیٹ نہیں کیا بلکہ باقاعدہ رشتے کے ذریعے ایک ایسے شخص سے شادی کی جو پہلے شادی شدہ تھا اور بعد میں طلاق یافتہ ہو گیا تھا۔

آخر میں نائلہ راجہ نے درخواست کی کہ اس معاملے کو مزید نہ گھسیٹا جائے اور نہ ہی ایسے قیاس آرائیوں اور جذبات کو اس سے جوڑا جائے جن کا ذاتی طور پر تجربہ نہیں کیا گیا ہو۔

		Remember me	Forgot password?
Password			立即注册

نائلہ راجہ کی عماد وسیم سے دوسری شادی پر لپ کشائی، معاملے کو مزید نہ گھسیٹنے کی درخواست

Related threads