پنجاب: ایچ آر سی پی کا سی سی ڈی کے مقابلوں کیخلاف عدالتی کمیشن بنانے کا مطالبہ

slotcosino · Post time 2026-2-18 18:40:00

— فائل فوٹو

ہیومین رائٹس کمیشن آف پاکستان （ایچ آر سی پی） نے پنجاب کے پولیس مقابلوں کے لیے منظم پالیسی بنانے کا مطالبہ کر دیا۔

ایچ آر سی پی نے سی سی ڈی کی کارروائیوں کے خلاف عدالتی کمیشن بنانے کا مطالبہ کرتے ہوئے کہا ہے کہ ایف آئی اے نیشنل کمیشن آف ہیومن رائٹس کے ساتھ مل کر سی سی ڈی کے مقابلوں پر تحقیقات کرے۔

ہیومن رائٹس کمیشن پاکستان نے سی سی ڈی کے طریقۂ کار پر رپورٹ جاری کر دی ہے جس میں پنجاب میں مبینہ جعلی پولیس مقابلوں کے حوالے سے سنگین خدشات کا اظہار کیا گیا ہے۔

اعلامیے میں کہا گیا ہے کہ فوری طور پر سی سی ڈی کے مقابلوں پر پابندی عائد کی جائے، کرائم کنٹرول ڈیپارٹمنٹ نے جعلی ان کاؤنٹر کرنے کی پالیسی اپنائی ہوئی ہے، 8 ماہ میں سی سی ڈی 670 مقابلے کر چکا ہے جس میں 924 مشتبہ افراد مارے گئے، 8 ماہ میں 670 سی سی ڈی کے مقابلوں میں صرف 2 پولیس اہلکار جان سے گئے۔

پنجاب: سی سی ڈی کیساتھ مبینہ مقابلوں میں 5 ملزمان ہلاک

پنجاب کے مختلف شہروں میں کرائم کنٹرول ڈیپارٹمنٹ （سی سی ڈی کے ساتھ مبینہ مقابلوں میں 5ملزمان مارے گئے ہیں۔

ایچ آر سی پی کی رپورٹ میں کہا گیا ہے کہ سی سی ڈی کے مقابلے انفرادی نہیں ادارہ جاتی طریقۂ کار لگتے ہیں، سی سی ڈی کے طریقۂ کار سے ملکی اور بین الاقوامی انسانی حقوق کے ضابطوں کی خلاف ورزی ہو رہی ہے، سی سی ڈی پر عدالتی اور مجسٹریٹی انکوائریاں نہ ہونا تشویش ناک ہے۔

رپورٹ کے مطابق سی سی ڈی سے متاثرہ خاندانوں نے خوف، دباؤ اور دھمکیوں کی شکایات درج کرائیں، تشویش ناک ہے کہ پولیس نے یکساں بیانیہ اپنایا کہ مشتبہ افراد نے پہلے فائر کیا تب مقابلہ ہوا۔

رپورٹ میں یہ بھی کہا گیا ہے کہ صوبۂ پنجاب میں پولیس مقابلوں پر فوری عارضی پابندی کی سفارش کی جائے۔

		Remember me	Forgot password?
Password			立即注册

پنجاب: ایچ آر سی پی کا سی سی ڈی کے مقابلوں کیخلاف عدالتی کمیشن بنانے کا مطالبہ

Related threads