جنیوا مذاکرات کے بعد توقع ہے ایران امریکا کے ساتھ تعطل ختم کرنے کے لیے تحریری تجاویز پیش کرے گا۔
امریکی عہدیدار کے مطابق امریکی وزیر خارجہ 28 فروری کو اسرائیل جائیں گے، مارکو روبیو اسرائیلی وزیراعظم سے ایران سے متعلق بات کریں گے۔
امریکی عہدیدار کا کہنا ہے کہ مشرق وسطیٰ میں تعنیات فورسز مارچ کے وسط تک اپنی جگہوں پر پہنچ جائیں گی۔
امریکا کے ساتھ مذاکرات بنیادی نکات پر اتفاق تک پہنچ گئے: ایران
ایران اور امریکا کے درمیان جوہری مذاکرات کے دوسرے دور کے بعد ایران نے کہا ہے کہ معاہدے کے اہم اصولوں پر سمجھوتا ہو گیا ہے۔
اس سلسلے میں صدر ٹرمپ کے سلامتی مشیروں کا وائٹ ہاؤس میں اہم اجلاس ہوا جس میں ایران سے متعلق بات چیت کی گئی۔
ایران کے وزیرِ خارجہ عباس عراقچی نے جنیوا میں مذاکرات کے بعد اپنے بیان میں کہا تھا کہ امریکا کے ساتھ ’انتہائی سنجیدہ بات چیت‘ ہوئی ہے۔
عباس عراقچی کا کہنا تھا کہ معاہدے کی راہ کھل گئی ہے تاہم کچھ نکات پر اختلافات اب بھی موجود ہیں۔
واضح رہے کہ امریکا اور ایران کے درمیان مذاکرات جنیوا میں ہوئے جہاں امریکا نے جوہری پروگرام کے ساتھ ساتھ ایران کے میزائل پروگرام پر بھی بات چیت کی خواہش ظاہر کی۔
ایران نے امریکا پر واضح کیا کہ وہ صرف جوہری سرگرمیوں پر پابندی کے بدلے پابندیاں ختم کروانے پر بات کرے گا اور یورینیئم افزودگی مکمل طور پر ختم کرنے کی شرط قبول نہیں کرے گا۔
Post time 2026-2-19 08:57:45
فائل فوٹو 
