|
|
 فائل فوٹو
وزیراعظم کے مشیر برائے سیاسی امور سینیٹر رانا ثناء اللّٰہ نے پی ٹی آئی سے ڈیل کی خبروں کی تردید کردی۔
جیو نیوز کے پروگرام جرگہ میں گفتگو کے دوران رانا ثناء اللّٰہ نے کہا کہ پی ٹی آئی کو نہ کوئی ڈیل کی آفر ہوئی نہ ڈیل کا آپشن ٹیبل پر موجود ہے ۔
انہوں نے ڈیل کی خبروں کی تردید کی اور کہا کہ بانی پی ٹی آئی کو نہ حکومت اور نہ ہی اسٹیبلشمنٹ کی طرف سے ڈیل کی آفر ہوئی اور نہ ایسی کوئی ڈیل موجود ہے۔
وزیراعظم کے مشیر نے مزید کہا کہ بانی پی ٹی آئی کی سزاؤں کا فیصلہ عدالتوں میں ہوگا جیسا ماضی میں نواز شریف اور زرداری کے معاملے میں ہوا۔
جیو نیوز سے رانا ثناء اللّٰہ کا مکمل انٹرویو اتوار کی شب 10 بج کر 5 منٹ نشر کیا جائے گا۔ |
|
Post time