کراچی کے علاقے ڈیفنس خیابانِ اتحاد میں گاڑی کی ٹکر سے جاں بحق موٹر سائیکل سوار کے ورثا نے ڈرائیور کو معاف کر دیا۔
پولیس حکام کے مطابق بے قابو ہونے والی گاڑی کے ڈرائیور کو تفتیش کے بعد چھوڑ دیا گیا ہے۔
حکام کا کہنا ہے کہ جاں بحق شخص کے ورثا نے قانونی کارروائی سے منع کر دیا اور ڈرائیور کو اللّٰہ کی رضا کے لیے معاف کر دیا ہے۔
کراچی: تیز رفتار کار بےقابو ہو کر سڑک کے دوسری جانب آگئی، ٹکر سے رائیڈر جاں بحق
زخمی ہونے والے کار سوار شہری کی شناخت حسن بنگوار کے نام سے ہوئی ہے۔
پولیس کے مطابق ورثا لاش لے کر گزشتہ روز ٹھٹھہ روانہ ہوگئے تھے جہاں جاں بحق رائیڈر کی تدفین کر دی گئی ہے۔
حکام کا مزید کہنا ہے کہ واقعے میں ملوث شخص کے خلاف ورثا کی درخواست پر ہی کارروائی کی جائے گی۔
Post time 
فائل فوٹو 
