عمر کو چھوڑیں دل جوان ہونا چاہیے:جوان لڑکی سے شادی کرنیوالے 60 سالہ حکیم بابر کا ناقدین کو جواب

slotcosino · Post time 2026-2-25 15:47:18

---تصاویر بشکریہ سوشل میڈیا

عمر کے نمایاں فرق کے باوجود شادی کرنے والے راولپنڈی کے 60 سالہ حکیم بابر نے ناقدین کو جواب دیتے ہوئے ویڈیو پیغام میں کہا ہے کہ ’عمر صرف ایک عدد ہے‘ اور میں نے کوئی غلط کام نہیں کیا۔

چکلالہ اسکیم تھری میں ہونے والی اس شادی نے سوشل میڈیا پر ہنگامہ برپا کر دیا ہے، جیسے ہی نکاح کی خبر سامنے آئی، مختلف پلیٹ فارمز پر بحث و مباحثے کا سلسلہ شروع ہو گیا، سوشل میڈیا صارفین نے اس رشتے پر حیرت، تنقید اور حمایت جیسے مختلف ردِعمل کا اظہار کیا ہے۔

وائرل ویڈیو کلپ میں حکیم بابر نے بتایا کہ ہماری شادی بیک وقت ارینجڈ اور لو میرج ہے، پہلے دونوں ایک دوسرے کو پسند کرنے لگے، پھر باقاعدہ نکاح کے ذریعے رشتے کو قانونی اور مذہبی شکل دی گئی۔

ان کا کہنا ہے کہ عمر کوئی معنی نہیں رکھتی، اصل بات دل کی جوانی ہے، میری اہلیہ طلاق یافتہ تھیں، یہ اللّٰہ کا حکم اور سنت نبویؐ ہے، میں نے اس پر عمل کیا ہے، میں نے کوئی گناہ یا ناجائز کام نہیں کیا، پھر لوگ منفی تبصرے کیوں کر رہے ہیں؟

انہوں نے کہا کہ جو لوگ مجھ پر تنقید کر رہے ہیں، وہ خود غیر سنجیدہ تعلقات میں ملوث رہتے ہیں لیکن نکاح سے گریز کرتے ہیں۔

ان کی نوجوان اہلیہ نے بھی اپنے شوہر کے مؤقف کی تائید کرتے ہوئے کہا کہ جب محبت سچی ہو تو عمر کو مسئلہ نہیں بنانا چاہیے اور جب مناسب ساتھی مل جائے تو شادی میں تاخیر نہیں کرنی چاہیے۔

راولپنڈی: 60 سالہ شخص کی کم عمر خاتون سے شادی کی ویڈیو وائرل

صارفین کی جانب سے ملے جلے ردعمل سامنے آ رہے ہیں۔

جوڑے نے عیدالفطر کے بعد عمرے کی ادائیگی اور اس کے بعد نیدرلینڈز کے دورے کا بھی اعلان کیا ہے۔

سوشل میڈیا پر اس شادی کے حوالے سے مختلف آراء سامنے آ رہی ہیں، بعض صارفین عمر کے بڑے فرق پر تشویش کا اظہار کر رہے ہیں، جبکہ کچھ افراد اس نکاح کو جائز قرار دیتے ہوئے شادی کے حق میں بات کر رہے ہیں اور غیر اخلاقی تعلقات کے مقابلے میں نکاح کو بہتر قرار دے رہے ہیں۔

		Remember me	Forgot password?
Password			立即注册

عمر کو چھوڑیں دل جوان ہونا چاہیے:جوان لڑکی سے شادی کرنیوالے 60 سالہ حکیم بابر کا ناقدین کو جواب

Related threads