|
|
 فوٹو: فائل
حکومتِ پاکستان نے خواتین کےلیے پاسپورٹ میں والد کا نام رکھنے کی اجازت دے دی۔
ڈائریکٹوریٹ جنرل آف امیگریشن اینڈ پاسپورٹس نے نئی اصلاحات کا اعلامیہ جاری کردیا جس کے مطابق یہ فیصلہ لاہور ہائیکورٹ کے احکامات کی روشنی میں کیا گیا۔
لاہور ہائیکورٹ نے حکومت کو مشاورت مکمل کرنے اور سسٹم اپڈیٹ کی ہدایات دی تھیں۔
اعلامیہ کے مطابق نئی اصلاح خواتین کی آزاد قانونی شناخت کو تسلیم کرنے کی جانب اہم قدم قرار دی گئیں۔ خواتین کے معاشی، سماجی اور شہری حقوق تک رسائی میں بڑی رکاوٹ دور ہوگئی۔
اعلامیہ میں کہا گیا کہ نئی اصلاحات حکومت اور یو این ویمن کا مشترکہ ڈیمو، جینڈر ریسپانسیو سروس ڈیلیوری کی مثال ہیں۔
وزیر داخلہ محسن نقوی اور وزیر قانون اعظم نذیر تارڑ کی ہدایات پر اصلاحات ترتیب دی گئیں۔ ڈی جی پاسپورٹس مصطفیٰ جمال قاضی نے سافٹ ویئر اپڈیٹ کی نگرانی کی۔ |
|
Post time 2026-2-26 01:31:15