گھوٹکی کے علاقے رونتی کچے میں آپریشن کے دوران 7 اشتہاری ملزمان نے ہتھیار ڈال دیے ہیں۔
پولیس حکا م کے مطابق نجات مہران آپریشن کے دوران گرفتاری پیش کرنے والے ڈاکوؤں کا تعلق شر گینگ سے ہے۔
پولیس حکام کے مطابق گرفتاری دینے والے اشتہاری ملزمان کے خلاف قتل، قبائلی تصادم اور ڈکیتی کے مقدمات درج ہیں۔
سندھ کے سب سے بڑے ڈکیت ثنا اللّٰہ شر نے ہتھیار ڈال دیے
سندھ اور پنجاب کے کچے کے علاقوں میں آپریشن نجات مہران میں پولیس کی بڑی کامیابی حاصل کرلی، سندھ کےسب سے بڑے ڈکیت ثنااللّٰہ شر نے ہتھیار ڈال دیے ہیں۔
پولیس کے مطابق سرینڈر کرنے والے اصغر شر، عبدالطيف شر، مور شر، بڈو شر، نالی چگو شر، شبن شر اور ممتاز شر شامل ہیں۔
پولیس حکام کے مطابق سرینڈر کرنے والے ملزمان قتل، ڈکیتی اور دیگر سنگین نوعیت کے مقدمات میں مطلوب تھے۔
ایس ایس پی گھوٹکی انور کھیتران نے کہا ہے کہ رونتی کچے میں امن و امان کے مکمل قیام تک آپریشن جاری رہے گا۔
پولیس حکام کے مطابق 40 روز سے جاری نجات مہران آپریشن کے دوران 75 سے زائد اشتہاری ڈاکوؤں نے سرینڈر کیا۔
Post time 2026-2-26 02:49:19
فائل فوٹو 
