بھارتی ریاست تلنگانہ میں ایک دل دہلا دینے والا واقعہ پیش آیا ہے جہاں 2 ماہ کے شیر خوار بچے کو مبینہ طور پر اس کی ماں نے قتل کر دیا۔
پولیس کے مطابق واقعہ زیرِ تعمیر اپارٹمنٹ کمپلیکس میں پیش آیا، 24 فروری کو دوپہر تقریباً 12 بجے ڈائل 100 پر ایک کال موصول ہوئی جس میں باؤرمپٹ کے علاقے میں آؤٹر رنگ روڈ کے قریب واقع اپارٹمنٹ میں ایک بچے کی موت کی اطلاع دی گئی، اطلاع ملتے ہی پولیس کی ٹیم موقع پر پہنچ گئی۔
اسسٹنٹ کمشنر آف پولیس نے بتایا کہ بچے کے منہ میں کپڑا ٹھونسا گیا تھا جبکہ ٹانگیں رسی سے بندھی ہوئی تھیں اور وہ شدید زخموں کے باعث دم توڑ چکا تھا۔
بچے کے والد نے پولیس کو بتایا کہ وہ گزشتہ ایک ماہ سے مذکورہ تعمیراتی مقام پر مزدوری کر رہا تھا اور وہیں ایک عارضی کمرے میں اپنی 20 سالہ بیوی ممتا اہروار اور 2 ماہ کے بیٹے سوریا کے ساتھ مقیم تھا۔
بھارت: بیٹے کی خواہش، شوہر نے حاملہ بیوی اور 3 بیٹیوں کے گلے کاٹ دیے
پولیس افسر نے بتایا کہ چاروں افراد کے گلے تیز دھار آلے سے کاٹے گئے
راجندر کے مطابق وہ منگل کی صبح کام پر گیا اور بچے کو بیوی کے پاس چھوڑ گیا، جب وہ تقریباً 11 بجے واپس آیا تو اس نے اپنی بیوی کو آگ کے قریب پایا اور دیکھا کہ بچے کو جلایا جا رہا ہے، اس نے فوراً بیوی کو پیچھے ہٹایا مگر اس وقت تک بچہ جان کی بازی ہار چکا تھا، بچہ گزشتہ چند روز سے مسلسل رو رہا تھا جس پر اس کی ماں شدید ذہنی دباؤ کا شکار دکھائی دے رہی تھی۔
پولیس کی ابتدائی تفتیش میں انکشاف ہوا کہ ملزمہ نے مبینہ طور پر بچے کا رونا بند کرانے کے لیے اس کے منہ میں کپڑا ٹھونس دیا اور ٹانگیں رسی سے باندھ دیں، بچے کی موت کے بعد لاش کو آگ میں ڈالنے کا شبہ ظاہر کیا جا رہا ہے۔
حکام کے مطابق مقدمہ درج کر لیا گیا ہے اور واقعے کے تمام پہلوؤں، بشمول گھریلو مسائل یا صحت سے متعلق عوامل کا جائزہ لیا جا رہا ہے، لاش کو پوسٹ مارٹم کے لیے اسپتال منتقل کر دیا گیا ہے جبکہ مزید تحقیقات جاری ہیں۔
Post time 2026-2-26 17:46:05
