کچھ لوگوں کی انا کو کچلنا پڑتا ہے، شاہد آفریدی کی شاہین کو پلیئنگ 11 سے باہر رکھنے پر وضاحت

slotcosino · Post time 2026-2-26 19:04:01

— فائل فوٹوز

پاکستان کے سابق کپتان شاہد آفریدی نے کہا ہے کہ میں نے جان بوجھ کر شاہین آفریدی کو اپنی پلیئنگ الیون میں شامل نہیں کیا تاکہ فاسٹ بولر کی جانب سے بھرپور ردِعمل سامنے آئے۔

حال ہی میں نجی ٹی وی چینل کے پروگرام میں گفتگو کرتے ہوئے شاہد آفریدی نے کہا کہ انگلینڈ کے خلاف شاہین میری ٹیم میں نہیں تھا، لیکن میں یہ بھی جانتا تھا کہ اسے کیسے استعمال کرنا ہے۔

سابق کپتان نے وضاحت دیتے ہوئے کہا کہ سب لوگ پہلے ہی باتیں کر رہے تھے، تو میں نے سوچا کہ میں کچھ زیادہ سختی سے کہوں تاکہ اس کی انا کو ٹھیس پہنچے اور اس کے اندر موجود فائٹنگ اسپرٹ ابھر کر سامنے آئے اور بالکل ایسا ہی ہوا۔

میں فیصلہ کروں تو شاہین، بابر و شاداب کو باہر بٹھا دوں: شاہد آفریدی

بھارت کے خلاف شرمناک شکست کے بعد ایک انٹرویو میں شاہد آفریدی تینوں کھلاڑیوں پر برس پڑے۔

شاہد آفریدی نے مزید کہا کہ اگر مجھ سے اگلے میچ کے بارے میں پوچھا جائے تو میں تب بھی شاہین کو اپنی ٹیم میں شامل نہیں کروں گا، کچھ کھلاڑیوں کو اسی طرح ہینڈل کرنا پڑتا ہے، بعض اوقات چند کی انا کو کچلنا پڑتا ہے، میں شاہین کی ذہنیت کو باخوبی سمجھتا ہوں۔

انہوں نے کہا کہ لوگ مجھے شاہین کی کارکردگی کے بعد بیان دینے پر تنقید کا نشانہ بنا سکتے ہیں، تاہم میں نے پہلے ہی گھر میں اس ردِعمل کی پیشگوئی کر دی تھی۔

شاہد آفریدی نے یہ بھی کہا کہ میں شاہین کو مشکل حالات میں لڑتے ہوئے دیکھ چکا ہوں اور جانتا ہوں کہ وہ دباؤ میں کس طرح ردِعمل دیتے ہیں۔

واضح رہے کہ منگل کو انگلینڈ کے خلاف میچ میں شاہین آفریدی نے 30 رنز دے کر 4 وکٹیں حاصل کیں، شاندار بولنگ کے باوجود پاکستان کو 2 وکٹوں سے شکست کا سامنا کرنا پڑا۔

ٹورنامنٹ کے ابتدائی مرحلے میں شاہین کو نمیبیا اور نیوزی لینڈ کے خلاف میچز میں بھی ٹیم سے باہر رکھا گیا تھا، ٹی 20 ورلڈ کپ میں ڈراپ کیے جانے سے قبل وہ 3 میچز میں صرف 3 وکٹیں حاصل کر سکے تھے۔

		Remember me	Forgot password?
Password			立即注册

کچھ لوگوں کی انا کو کچلنا پڑتا ہے، شاہد آفریدی کی شاہین کو پلیئنگ 11 سے باہر رکھنے پر وضاحت

Related threads