|
|
 جامع مسجد مانچسٹر（تصویر بشکریہ: بی بی سی）۔
برطانیہ میں جامع مسجد مانچسٹر پر حملے کے شبے میں ایک اور شخص کو گرفتار کرلیا گیا۔
لندن سے میڈیا رپورٹ کے مطابق منگل کی شب نماز تراویح کے موقع پر ایک شخص کلہاڑی لے کر مسجد میں داخل ہوا تھا۔
بعدازاں نمازیوں نے ملزم کو قابو کر کے پولیس کو طلب کیا تھا، پولیس نے ملزم کو گرفتار کیا۔
مانچسٹر سے پولیس کے مطابق ملزم سے خطرناک ہتھیار اور کلاس بی کی منشیات برآمد ہوئی تھیں۔
اسسٹنٹ چیف کانسٹیبل جان ویبسٹر کے مطابق پولیس اس معاملے کو سنجیدگی سے دیکھ رہی ہے۔
مانچسٹر پولیس کا کہنا ہے کہ کاؤنٹر ٹیررازم پولیسنگ نارتھ ویسٹ کے ساتھ مل کر تحقیقات کر رہے ہیں۔
میڈیا رپورٹ کے مطابق مشکوک شخص کے مسجد میں داخلے کے وقت تقریباً 2 ہزار نمازی تراویح ادا کر رہے تھے۔ |
|
Post time 2026-2-26 23:37:37