وزیراعظم کے ترجمان برائے فارن میڈیا مشرف زیدی نے کہا ہے کہ پاک فوج کی متعدد کارروائیوں میں 72 افغان طالبان جنگجو ہلاک، 120 سے زائد زخمی ہوئے ہیں۔
اپنے بیان میں مشرف زیدی نے کہا کہ 16 افغان طالبان چوکیاں تباہ اور 7 پر پاکستانی فورسز نے کنٹرول حاصل کرلیا ہے۔
طالبان رجیم کیخلاف ’آپریشن غضب للحق‘، 58 طالبان ہلاک، 100زخمی
افغانستان کی 12پوسٹیں مکمل تباہ اور 5 پوسٹوں پر قبضہ کرلیا گیا، خوارج بھاگ کھڑے ہوئے۔
انہوں نے کہا کہ کارروائی میں اسلحہ کا بڑا ذخیرہ، بٹالین اور سیکٹر ہیڈکوارٹرز تباہ ہوگئے، 36 سے زائد ٹینک، توپیں اور بکتر بند گاڑیاں بھی تباہ کردی گئیں۔
مشرف زیدی نے کہا کہ الحمدللّٰہ کسی بھی پاکستانی چوکی پر قبضہ یا نقصان نہیں ہوا، کسی پاکستانی فوجی کی شہادت یا گرفتاری بھی نہیں ہوئی۔
ان کا مزید کہنا تھا کہ پاکستان کو نقصان سے متعلق دعوے افغانستان میں موجود بھارتی پراکسیز کا پروپیگنڈا ہیں، ان شاء اللّٰہ پاکستان کے خلاف ہر جارحیت کا فوری اور مؤثر جواب دیا جائے گا۔
Post time 2026-2-27 08:04:39
فائل فوٹو 
