|
|
وکٹوریہ پارک مانچسٹر سینٹرل مسجد میں مشکوک افراد کے داخلے کے بعد پولیس کی طرف سے علاقے میں سیکیورٹی موثر بنانے کیلئے گشت بڑھا دیا گیا ہے۔
وکٹوریہ پارک میں مانچسٹر سینٹرل مسجد کے رضاکاروں کی طرف سے دو افراد کو بیگ اٹھا کر مسجد میں داخل ہوتے دیکھا گیا ‘ ایک شخص کے پاس کلہاڑی اور دوسرے کے ہاتھ میں ہتھورا اور چاقو دیکھاگیا ‘ پولیس نے اطلاع ملنے پر ایک مشتبہ شخص کو حراست میں لے لیا جبکہ دوسرے کی تلاش جاری ہے۔
جی ایم پی کے ترجمان کا کہنا ہے کہ یہ واقعہ دہشت گردی کا نہیں تاہم پھر بھی انسداد دہشت گردی کے ماہرین سے مشاورت کی جا رہی ہے‘ وزیراعظم کیئر سٹارمر اور اینڈی برنہم سمیت کئی دیگر اہم شخصیات نے بھی واقعہ پر تشویش کا اظہار کیا ہے۔
مسجد کے صدر حماد خان کا کہنا ہے کہ مذکورہ واقعہ کے بعد مسلمانوں کو اپنی حفاظت کا خوف لاحق ہے ایشٹن سینٹرل مسجد کیلئے ایک پولیس آفیسر تفویض کرنے کیلئے گشت بھی بڑھ گیا ہے ‘ ہم جی ایم پی اپنے مقامی کونسلر اور اپنے ایم پی کے دفتر سے رابطے میں ہیں‘ حفاظتی اقدامات کے پیش نظر خواتین کے داخلی دروازے کو بند کردیا جائیگا،کیمونٹی کے لوگ چوکس رہیں اور کسی بھی مشکوک سرگرمی پر فوری پولیس کو مطلع کریں۔ |
|
Post time 2026-2-27 12:36:53