امریکی صدر ڈونلڈ ٹرمپ نے کہا ہے کہ الہان عمر اور راشدہ طلیب کو امریکا سے نکال دینا چاہیے۔
ڈونلڈ ٹرمپ نے اپنے سوشل میڈیا پلیٹ فارم ’ٹروتھ سوشل‘ پر پوسٹ میں ڈیموکریٹ ممبرز الہان عمر اور راشدہ طلیب پر تنقید کرتے ہوئے لکھا ہے کہ اسٹیٹ آف دی یونین جیسے اہم اور خوبصورت ایونٹ میں الہان عمر اور راشدہ طلیب کو بے قابو ہو کر چیختے ہوئے دیکھتے ہیں تو آپ کو ان کی ذہانت کا اندازہ ہوتا ہے۔ فوٹو بشکریہ سوشل میڈیا
اُنہوں نے لکھا ہے کہ ان کی آنکھیں بالکل پاگلوں، ذہنی طور پر اُلجھے ہوئے اور بیمار لوگوں کی طرح خون آلود آنکھیں تھیں۔
ڈونلڈ ٹرمپ نے لکھا کہ جب آپ کو یہ معلوم ہو کہ یہ کرپٹ سیاستدان ہیں اور آپ کے ملک کے لیے اچھے نہیں ہیں تو انہیں جلد سے جلد وہیں واپس بھیج دینا چاہیے جہاں سے یہ آئے تھے۔
اسٹیٹ آف دی یونین سے طویل ترین خطاب، ڈونلڈ ٹرمپ نے بل کلنٹن کا ریکارڈ توڑ دیا
امریکی صدر ڈونلڈ ٹرمپ نے اسٹیٹ آف دی یونین سے 110 منٹ سالانہ خطاب کر کے نیا طویل دورانیے کا نیا ریکارڈ قائم کر دیا۔
اُنہوں نے لکھا کہ یہ لوگ صرف امریکا کو نقصان پہنچا سکتے ہیں، یہ اس ملک کی مدد کرنے کے لیے کچھ نہیں کر سکتے۔
واضح رہے کہ ڈونلڈ ٹرمپ کے اسٹیٹ آف دی یونین خطاب کے دوران کانگریس کی 2 ڈیموکریٹ ممبرز الہان عمر اور راشدہ طلیب نے احتجاج کرتے ہوئے نعرے لگائے تھے۔
دونوں نے امریکی صدر کے خطاب کے دوران احتجاجاََ نعرے لگاتے ہوئے کہا کہ ’آپ امریکیوں کو مار رہے ہیں‘ اور الہان عمر نے تو ڈونلڈ ٹرمپ کو’جھوٹا‘ بھی قرار دیا تھا۔
Post time 2026-2-27 19:07:05
—فوٹو بشکریہ امریکی میڈیا 
