پاکستان فوج کی مؤثر اور بروقت جوابی کارروائی کے نتیجے میں افغان طالبان شدید بوکھلاہٹ کا شکار ہوگئے اور بھاگتے ہوئے اپنی گاڑی موقع پر ہی چھوڑ گئے۔
پاکستانی سیکیورٹی فورسز کی جانب سے افغان طالبان کو پاکستانی چیک پوسٹوں پر بلا اشتعال فائرنگ اور گولہ باری کا بھرپور جواب دیا جا رہا ہے۔
پاک فوج کی جانب سے اب تک افغان طالبان کی درجنوں چیک پوسٹوں کو مکمل طور پر تباہ کیا جا چکا ہے۔
سیکیورٹی ذرائع نے بتایا کہ پاک فوج کے جوانوں نے ایک کارروائی کے دوران افغان طالبان کی گاڑی کو اپنے قبضے میں لے لیا۔
سوشل میڈیا پر وائرل ویڈیو میں پاکستانی جوانوں کو افغان طالبان کی جانب سے چھوڑی گئی گاڑی پر چڑھے اور نعرے لگاتے بھی دیکھا گیا۔
واضح رہے کہ پاک فوج نے افغان طالبان کی بلا اشتعال جارحیت کا بھرپور انداز میں جواب دیتے ہوئے مزید 5 افغان پوسٹوں پر قبضہ کرکے قومی پرچم لہرا دیا ہے، قبضے میں آنے والی پوسٹوں میں 2 شوال کے مقابل، 2 انگور اڈا کے مقابل اور 1 زرملان کے مقابل شامل ہیں۔
5 افغان طالبان پوسٹوں پر قومی پرچم لہرا دیا گیا، پاک فوج کی ویڈیو سامنے آ گئی
پاک فوج افغان طالبان کی بلا اشتعال جارحیت پر بھرپور انداز میں جوابی کارروائی کر رہی ہے۔ جوابی کارروائی میں پاک فوج نے مزید 5 افغان پوسٹوں پر قبضہ کرکے قومی پرچم لہرایا دیا، جس کی ویڈیو بھی سامنے آگئی ہے۔
پاک فوج کے قبضے میں آنے والی مزید 5 افغان پوسٹوں پر قومی پرچم لہرانے کی ویڈیو بھی سامنے آ چکی ہے۔
سیکیورٹی ذرائع کے مطابق پاک فوج نے مؤثر کارروائی کے دوران انگور اڈہ کا افغان ٹرمینل بھی تباہ کردیا جبکہ پاکستانی سیکیورٹی فورسز کے بھرپور جواب میں افغان طالبان فورسز کو بھاری نقصان کا سامنا ہے۔
Post time 2026-2-27 21:04:29
