|
|
 فوٹو: پی آئی ڈی۔
وزیراعظم شہباز شریف سے پاکستان میں چین کے سفیر جیانگ زیڈونگ نے ملاقات کی۔ اسلام آباد سے سرکاری اعلامیہ کے مطابق چینی سفیر نے وزیراعظم کو چین پاکستان تعلقات میں حالیہ پیشرفت سے آگاہ کیا گیا۔
اعلامیہ کے مطابق چینی سفیر نے وزیراعظم کو چینی قیادت کا نیک خواہشات کا پیغام پہنچایا، چینی سفیر نے پاکستان کی خود مختاری اور علاقائی سالمیت کے لیے چین کی بھرپور حمایت کا اعادہ کیا۔
ملاقات میں باہمی دلچسپی کے علاقائی و بین الاقوامی امور پر تبادلہ خیال، خطے اور اس سے باہر امن و استحکام میں کردار ادا کرنے کیلئے قریبی رابطہ کاری و مشاورت برقرار رکھنے پر اتفاق کیا گیا۔
اعلامیہ کے مطابق وزیراعظم نے پاکستان اور چین کے درمیان پائیدار تذویراتی تعاون پر مبنی شراکت داری کا اعادہ کیا اور چین کے صدر اور وزیراعظم کی اقتصادی، سلامتی اور ترقیاتی محاذوں پر حمایت کو سراہا۔ |
|
Post time 2026-2-28 02:55:57