|
|
 تصویر سوشل میڈیا۔
تامل فلموں کے معروف اداکار اور سیاسی جماعت ٹی وی کے （تاملاگا ویٹری خزاگم） کے سربراہ جوزف وجے چندرا شیکھر المعروف وجے کی اہلیہ سنگیتا نے ان پر بے وفائی کا الزام لگاتے ہوئے طلاق کا کیس فائل کیا ہے۔
واضح رہے کہ سنگیتا اور وجے کی شادی اگست 1999 میں ہوئی تھی اور ان کے دو بچے ہیں۔
اس حوالے سے بتایا جاتا ہے کہ 27 سالہ شادی شدہ زندگی گزارنے کے بعد وجے کی اہلیہ نے ان پر بے وفائی کا الزام عائد کیا ہے اور طلاق کی درخواست دائر کر دی ہے۔
یہ بھی پڑھیے
- اداکار وجے کی سیاسی ریلی نے مداح کی جان لے لی
- وجے کے سیاسی دفتر میں ہجوم، پڑوسی تنگ آگئے، شکایت کردی
بھارتی میڈیا کے مطابق طلاق کی یہ درخواست مخصوص دفعات کے تحت ہے۔ جس میں قانون شریک حیات کو دوسروں کے ساتھ ناجائز تعلقات استوار کرنے اور ظلم و ستم سمیت مختلف وجوہات کی بنیاد پر طلاق کا مطالبہ کرنے کی اجازت دیتا ہے۔
درخواست کے مطابق سنگیتا نے الزام عائد کیا ہے کہ 55 سالہ وجے کے ایک خاتون اداکارہ کے ساتھ تعلقات رہے ہیں۔ 2021 میں سنگیتا کو معلوم ہوا کہ وجے اس تعلقات میں ملوث ہیں۔ وجے کی جانب سے اس تعلق کو ختم کرنے کی یقین دہانیوں کے باوجود یہ سلسلہ جاری رہا۔ |
|
Post time 2026-2-28 03:33:51