وفاقی وزیر اطلاعات و نشریات عطا تارڑ نے کہا ہے کہ افغان طالبان رجیم کے خلاف کارروائی اب بھی جاری ہے، ایک خطرہ موجود ہے، جس کا تدارک ناگزیر ہے۔
جیو نیوز کے پروگرام آج شاہزیب خانزادہ کے ساتھ میں گفتگو کے دوران عطا تارڑ نے کہا کہ پاکستان نے موثر اور بھرپور جوابی کارروائی کی جو جاری ہے۔
افغان طالبان رجیم دہشت گردوں کی پشت پناہی کرتی ہے، عطا تارڑ
وفاقی وزیر اطلاعات و نشریات عطا اللّٰہ تارڑ نے کہا ہے کہ افغان طالبان رجیم دہشت گردوں کی پشت پناہی کرتی ہے۔
انہوں نے کہا کہ افغان طالبان رجیم کے خلاف کارروائی اب بھی جاری ہے، ائر ڈیفنس سسٹم نے افغان دہشت گردوں کا ڈرون بھی مار گرایا۔
وفاقی وزیر نے مزید کہا کہ ایک خطرہ موجود ہے جس کا تدارک ناگزیر ہے، دہشت گردوں سے گٹھ جوڑ افغانستان کا مسئلہ ہے، جس کو ہم نیوٹریلائز کر رہے ہیں۔
اُن کا کہنا تھا کہ آپریشن غضب للحق آگے بڑھ رہا ہے،خودکش حملے اور سرحدوں پر حملوں کا پاکستان نے جواب دیا ہے۔
عطا تارڑ نے مزید کہا کہ آج کے ڈرون حملے دہشت گردوں اور افغان طالبان کا گٹھ جوڑ ظاہرکر رہے ہیں، پاکستان میں جو دہشت گردی ہوتی ہے، تانے بانے افغانستان سے ملتے ہیں۔
Post time 2026-2-28 04:12:46
