|
|
پشاور میں پولیس اسٹیشن اور چوکی پر دستی بم حملے کے نتیجے میں 2 پولیس اہلکاروں سمیت 8 افراد زخمی ہوگئے۔
پولیس کے مطابق پہلا حملہ تھانہ بڈھ بیر پر ہوا جس میں ایک اہلکار زخمی ہوا جبکہ دوسرا حملہ تھانہ متنیٰ سرہ خوارہ پولیس چوکی پر کیا گیا، سرہ خوارہ چوکی حملے میں ایک اہلکار سمیت 7 افراد زخمی ہوئے۔
پولیس نے بتایا کہ چوکی میں جرگہ جاری تھا، پولیس کی جوابی فائرنگ سے ملزمان فرار ہوگئے۔
پولیس کے مطابق حملوں میں زخمی ہونے والے تمام افراد کو اسپتال منتقل کردیا گیا۔
بنوں اور ہنگو میں پولیس چیک پوسٹوں پر فائرنگ اور حملے کیے گئے جنہیں پولیس نےجوابی کارروائی کرکے حملے پسپا کر دیے، دہشت گرد فرار ہو گئے۔ |
|
Post time 2026-2-28 08:07:06