|
|
امریکی صدر ڈونلڈ ٹرمپ نے کہا ہے کہ وہ جو ایران میں بیشتر فیصلے کرتے تھے اب مارے جاچکے ہیں۔
ٹرمپ نے کہا کہ ایرانی سپریم لیڈر کے انتقال کی خبریں درست معلوم ہوتی ہیں۔
قبل ازیں سینئر اسرائیلی حکام کا ایرانی سپریم لیڈر آیت اللّٰہ علی خامنہ ای کی میت ملنے کا دعویٰ تھا۔
برطانوی میڈیا نے بھی اسرائیلی حکام کے حوالے سے کہا ہے کہ خامنہ ای کی لاش ملی ہے۔
علاوہ ازیں اسرائیلی وزیراعظم نیتن یاہو نے دعویٰ کیا تھا کہ ایسے اشارے ملے ہیں کہ ایرانی سپریم لیڈر خامنہ ای اب نہیں رہے ۔یہ بھی کہا کہ خامنہ ای کی موت کی تصدیق نہیں کی گئی، ایرانی پاسدارانِ انقلاب کے کمانڈربھی مارے گئے۔
خامنہ ای کے کمپاؤنڈ کو تباہ اور سینئر جوہری حکام بھی مارے گئے۔ آئندہ دنوں ایران میں ہزاروں اہداف کو نشانہ بنایاجائے۔
ایرانی حکام نے تردید کرتے ہوئے کہاکہ آیت اللّٰہ علی خامنہ ای ٹھیک اور محفوظ مقام پر ہیں۔ اسرائیلی میڈیا کے مطابق آیت اللّٰہ علی خامنہ ای کے کمپاؤنڈ پر 30 بم گرائے گئے۔
علاو ہ ازیں ایرانی سپریم لیڈرآفس کے ترجمان نے کہا ہے کہ دشمن اعصابی جنگ کا سہارا لے رہا ہے، عوام ہوشیار رہیں، عوام دشمن کے پروپیگنڈے سے آگاہ رہیں۔
ایرانی وزارت خارجہ نے دعویٰ کیا کہ آیت اللّٰہ خامنہ ای اور ایرانی صدر خیریت سے ہیں۔ |
|
Post time 2026-3-1 07:31:11