|
|
 تصویر، بھارتی میڈیا
بھارتی کامیڈین اور اداکار راجپال یادو نے کہا ہے کہ آئندہ 7 برس میں میرے پاس 1200 کروڑ کے پروجیکٹس ہوں گے۔
9 کروڑ قرض کیس میں ضمانت پر رہائی کے بعد ممبئی میں پریس کانفرنس کے دوران راجپال یادو نے کہا کہ آئندہ 7 سال میں ان کے پاس تقریباً 1200 کروڑ روپے مالیت کے برانڈنگ اور دیگر پروجیکٹس ہیں جبکہ وہ 10 فلموں میں بھی کام کرنے والے ہیں۔
اس موقع پر اداکار نے اپنے قانونی معاملات، مستقبل کے منصوبوں اور جیل کے دوران ملنے والی عوامی حمایت پر بات کی۔
انہوں نے مزید کہا کہ کچھ معاہدے فلموں کے علاوہ ہیں اور ان سے ہونے والی آمدنی فیس اور ایکویٹی دونوں صورتوں میں ہوگی۔
راجپال نے جیل کے دوران مداحوں اور عام لوگوں کی طرف سے ملنے والی مالی اور اخلاقی مدد پر شکریہ ادا کیا اور کہا کہ وہ سب کی رقم واپس کریں گے۔
دہلی ہائی کورٹ نے چیک باؤنس کیس میں ان کی سزا 18 مارچ تک عارضی طور پر معطل کی ہے اور انہیں ذاتی مچلکہ جمع کرانے کی ہدایت دی ہے۔ |
|
Post time 2026-3-2 04:20:08