|
|
 فائل فوٹو۔
اسلام آباد ہائیکورٹ میں توشہ خانہ فوجداری کیس میں بانی پی ٹی آئی کے شفا اسپتال میں میڈیکل چیک اپ کے لیے دائر درخواست سماعت کے لیے مقرر کر دی گئی۔
اسلام آباد ہائیکورٹ نے بانی پی ٹی آئی کا کیس کل سماعت کے لیے مقرر کر دیا۔ جسٹس اربابِ محمد طاہر اور جسٹس خادم حسین سومرو سماعت کریں گے۔
عدالت نے رجسٹرار آفس کے اعتراضات کے ساتھ درخواست کل سماعت کے لیے مقرر کی ہے۔ وکیل سردار لطیف کھوسہ نے علاج کے لیے متفرق درخواست دائر کر رکھی ہے۔
درخواست میں بانی پی ٹی آئی کو شفاء انٹرنیشنل اسپتال منتقل کرنے، علاج کے دوران بانی کے ذاتی معالج ڈاکٹر فیصل سلطان اور ڈاکٹر عاصم کو بھی رسائی دینے، فیملی کو بانی پی ٹی آئی کے علاج کے دوران رسائی دینے کی استدعا کی گئی ہے۔
جبکہ بانی پی ٹی آئی کے وکلا کو بانی کی میڈیکل رپورٹس کی فراہمی کا حکم دینے کی استدعا بھی کی گئی ہے۔ |
|
Post time 2026-3-2 23:10:47