|
|
---فائل فوٹو
حال ہی میں سوشل میڈیا اور مین اسٹریم میڈیا پر کچھ رپورٹس گردش کر رہی ہیں جن میں دعویٰ کیا جا رہا ہے کہ پاکستان کے فضائی علاقے کو کمرشل فلائٹس کے لیے ’جزوی طور پر بند‘ کر دیا گیا ہے، یہ تشریح بالکل غلط اور گمراہ کن ہے۔
پاکستان ایئرپورٹس اتھارٹی کے مطابق پاکستان کی فضائی حدود معمول کے مطابق آپریشنل ہے، صرف کراچی اور لاہور فلائٹ انفارمیشن ریجنز کے اندر مخصوص ایئر ٹریفک سروسز （اے ٹی ایس） روٹ سیگمنٹس کی عارضی عدم دستیابی کا اعلان کیا گیا ہے۔
یہ روزانہ مخصوص اوقات （0900–1500 PKT） میں 3 سے 13 مارچ 2026ء تک گراؤنڈ سے لامحدود اونچائی تک بند رہیں گے اور یہ صرف آپریشنل وجوہات کی بناء فیصلہ کیا گیا ہے۔
پاکستان کی فضائی حدود مکمل طور پر دستیاب، محفوظ اور تمام سول ایوی ایشن （بشمول کمرشل فلائٹس） کے لیے دستیاب ہے اور ایئر ٹریفک سروسز میں کوئی رکاوٹ نہیں آئی۔
مزید براں متاثرہ راستوں کے لیے متبادل روٹس معمول کے مطابق استعمال ہو رہے ہیں اور آمد، روانگی اور اوور فلائٹس پر کوئی پابندی نہیں ہے۔
ہمارے ایئر ٹریفک کنٹرولرز اور تمام ایئرپورٹ ٹیمیں مکمل طور پر فعال ہیں اور ٹریفک کو معمول کے مطابق کنٹرول کر رہے ہیں۔
پاکستان ایئرپورٹس اتھارٹی مین اسٹریم میڈیا اور خاص طور پر سوشل میڈیا صارفین سے گزارش کرتی ہے کہ درست معلومات شیئر کریں اور سنسنی خیز یا غلط سرخیاں لگانے سے گریز کریں جو مسافروں میں غیر ضروری پریشانی پیدا کر سکتی ہیں۔ |
|
Post time 2026-3-3 21:15:55