ایران نے سعودی عرب کی تیل تنصیبات پر حملے کا ذمے دار اسرائیل کو ٹھہرایا اور حملے کو اسرائیل کا فالس فلیگ آپریشن قرار دے دیا۔
اس سے پہلے ایرانی نائب وزیر خارجہ ماجد تخت روانچی نے امریکی ٹی وی کو انٹرویو میں کہا تھا کہ سعودی عرب کی تیل تنصیبات پر حملہ ایران نے نہیں کیا۔
انہوں نے مزید کہا کہ ایران نے سعودی عرب پر بھی یہ بات واضح کر دی ہے۔
یاد رہے کہ سعودی بندرگاہ راس تنورا میں ریفائنری پر کل حملہ ہوا تھا۔
امریکا کے قدامت پسند تجزیہ کار اور نامور ایکٹیوسٹ ٹکر کارلسن کا ایران جنگ پر نیا انکشاف
امریکا کے قدامت پسند تجزیہ کار اور نامور ایکٹیوسٹ ٹکر کارلسن نے ایران جنگ کے حوالے سے نیا انکشاف کردیا۔
اس سے قبل یہ امریکی قدامت پسند تجزیہ کار نے بتایا تھا کہ گزشتہ رات قطر اور سعودی عرب میں حکام نے موساد کے مبینہ ایجنٹس کو گرفتار کیا۔
ان کا کہنا ہے کہ یہ مبینہ ایجنٹس قطر اور سعودی عرب میں بم دھماکوں کی منصوبہ بندی کر رہے تھے۔
امریکی تجزیہ کار نے مزید کہا کہ اسرائیل ایران کے ساتھ ساتھ قطر، یو اے ای، سعودی عرب، بحرین، عمان اور کویت کو بھی نقصان پہنچانا چاہتا ہے اور اپنے اس مقصد میں کسی حد تک کامیاب بھی ہو چکا ہے۔
Post time 2026-3-4 03:07:15
تصویر، فائل فوٹو 
