امریکا کے صدر ڈونلڈ ٹرمپ نے اپنے ہی وزیر خارجہ مارکو روبیو کو غلط ٹہرادیا۔ ڈونلڈ ٹرمپ نے دعویٰ کیا کہ امریکا کو اسرائیل نے ایران کے خلاف جنگ میں نہیں دھکیلا۔
ڈونلڈ ٹرمپ نے زمہ داری لی کہ اگر کچھ ہوا بھی ہے تو وہ یہ کہ خود میں نے اسرائیل کا ہاتھ ایران پر حملے کے لیے آگے بڑھایا ہے۔
امریکی سفارتی دفاتر براہ راست حملوں کی زد میں ہیں، مارکو روبیو
امریکی وزیر خارجہ مارکو روبیو کا کہنا ہے کہ امریکی سفارتی دفاتر براہ راست حملوں کی زد میں ہیں، امریکی فوجیوں اور شہریوں کی سیکیورٹی ترجیح ہے۔
اس سے پہلے امریکی وزیر خارجہ نے کہا تھا کہ ایران پر اسرائیل حملہ کرنے جارہا تھا، جواب میں ایران کی جانب سے امریکی فوجیوں کو نشانہ بنائے جانے کا خدشہ تھا، اسلیے امریکا نے جنگ میں پہل کی۔
اس بیان پر امریکا کے ڈیموکریٹک رکن کانگریس جواکھم کاسترو نے کہا کہ وزیر خارجہ مارکو روبیو نے تسلیم کرلیا ہے کہ امریکا کو اسرائیل نے ایران جنگ میں دھکیلا ہے۔
ایران کی قومی سلامتی کے سیکریٹری علی لاریجانی پہلے ہی واضح کرچکے تھے کہ ایران جنگ میں پہل کرنا نہیں چاہتا تھا اور 300 سال کی طرح اب بھی جنگ میں پہل نہیں کی۔
Post time 2026-3-4 08:57:50
فائل فوٹو 
