|
|
وزیرِ اعظم شہباز شریف— فائل فوٹو
وزیرِ اعظم محمد شہباز شریف نے ہندو برادری کو ہولی کی مبارک باد دیتے ہوئے کہا ہے کہ ہولی کا تہوار خوش نما رنگوں کے امتزاج سے معاشرتی ہم آہنگی کی عکاسی کرتا ہے۔
وزیرِ اعظم محمد شہباز شریف نے ہندو برادری کے لیے آج ہولی کے موقع پر پیغام جاری کرتے ہوئے کہا ہے کہ ہولی کی روایات پاکستان کی ثقافتی تنوع کا مظہر ہیں۔
انہوں نے پاکستانی ہندو کمیونٹی کے لیے دلی مبادک باد، نیک تمناؤں کا اظہار کرتے ہوئے کہا کہ ہندو کمیونٹی ہمارے معاشرے کا ایک بیش قدر حصہ ہے۔
وزیرِ اعظم شہباز شریف کا کہنا ہے کہ ہندو کمیونٹی کا سماجی ہم آہنگی، معاشی ترقی و خوش حالی، پُرامن بقائے باہمی میں مثبت کردار ہے۔
انہوں نے کہا کہ آئینِ پاکستان بلا تفریق رنگ و نسل، مذہب و عقیدہ مذہبی آزادی اور انسانی حقوق کا تخفظ کرتا ہے، حکومتِ پاکستان تمام اقلیتوں کے آئینی حقوق کی محافظ ہے۔
وزیرِ اعظم شہباز شریف نے مزید کہا کہ بین المذاہب مکالمہ، عبادت گاہوں کی حفاظت اور باہمی احترام کے فروغ کے لیے کام کرنے کی ضروت ہے۔
ان کا یہ بھی کہنا ہے کہ آئیے رواداری، ہمدردی اور یکجہتی کے ساتھ پُرامن، شمولیتی، خوشحال مستقبل کے لیے کاوشیں کریں۔ |
|
Post time 2026-3-4 14:48:55