امریکی محکمۂ دفاع （پینٹاگون） نے ایران کے خلاف جاری جنگ میں ہلاک ہونے والے 6 امریکی فوجیوں میں سے آخری 2 کی شناخت بھی ظاہر کر دی۔
امریکی محکمۂ دفاع کے مطابق گزشتہ روز ہلاک ہونے والے امریکی فوجیوں میں چیف وارنٹ آفیسر 3 رابرٹ ایم مرزان اور میجر جیفری آر او برائن بھی شامل ہیں۔
امریکی حکام کے مطابق 45 سالہ میجر جیفری آر اوبرائن، کا تعلق انڈونیشیا سے ہے جبکہ 54 سالہ چیف وارنٹ آفیسر 3 رابرٹ ایم مرزن امریکی ریاست کیلیفورنیا کے رہائشی تھے۔
ایران سے جنگ میں ہلاک 6 میں سے 4 امریکی فوجیوں کی شناخت ظاہر
امریکی فوج کے مطابق اب تک 6 امریکی فوجی ہلاک ہو چکے ہیں، جن میں سے 4 کا تعلق آئیووا میں قائم امریکی آرمی ریزرو کے ایک یونٹ سے تھا
حکام کے مطابق میجر جیفری آر اوبرائن اور رابرٹ ایم مرزن یکم مارچ کو پورٹ شعیبہ میں ڈرون حملے میں مارے گئے۔
پینٹاگون کے مطابق رابرٹ ایم مرزن کی حتمی شناخت میڈیکل ایگزامنر کی تصدیق کے بعد مکمل کی جائے گی۔
اس سے قبل پینٹاگون نے ہلاک ہونے والے 6 امریکی فوجیوں میں سے 4 کی شناخت ظاہر کی تھی، جن کا تعلق آئیووا میں قائم امریکی آرمی ریزرو کے ایک یونٹ سے تھا، یہ فوجی اتوار کے روز کویت کے پورٹ شعیبہ میں ایک امریکی فوجی تنصیب پر ڈرون حملے میں مارے گئے تھے۔
Post time 2026-3-5 21:22:27
— تصویر بشکریہ غیر ملکی میڈیا 
