خیبر پختون خوا حکومت نے وادیٔ پشاور میں وفاق کے تعاون سے ٹرین چلانے کا فیصلہ کیا ہے۔
پشاور میں چیف سیکریٹری خیبر پختون خوا نے سیکریٹری اور چیئرمین ریلویز کو خط ارسال کیا ہے، مجوزہ ٹرین منصوبے کا نام ’پشاور ویلی ریلوے‘ رکھنے پر اتفاق ہوا ہے۔
خط میں کہا گیا ہے کہ کے پی حکومت ریلویز انفرااسٹرکچر پر ریل کار اور ڈیزل ملٹی پل یونٹس چلانے پر کام کر رہی ہے اور منصوبے کی پیشگی فزیبلٹی اسٹڈی پر گراؤنڈ ورک شروع کر دیا گیا ہے۔
کوہاٹ تا خرلاچی نیا ریلوے ٹریک بچھانے کا منصوبہ
خیبر پختون خوا میں کوہاٹ تا خرلاچی نیا ریلوے ٹریک بچھانے کے منصوبے کی میعاد طے ہو گئی۔
پہلے مرحلے میں 62 کلومیٹر پر مشتمل پشاور-نوشہرہ-جہانگیرہ ریلوے سکیشن پر کام ہو گا جبکہ دوسرے مرحلے میں 65 کلومیٹر نوشہرہ-مردان-درگئی ریلوے سیکشن پرکام کیا جائے گا، اس کے علاوہ 27 کلو میٹر مردان-چارسدہ سیکشن اور 18 کلو میٹر پشاور-جمرود سیکشن اور بعد میں 60 کلو میٹر پر مشتمل کوہاٹ-جنڈ ریلوے سیکشن پر بھی کام کیا جائے گا۔
خط میں کہا گیا ہے کہ کے پی حکومت اور ریلویز کے اجلاس میں تعاون بڑھانے پر غور کیا گیا تھا جس میں مضافاتی ریل سروس کو اوپن ایکسیس فریم ورک کے تحت مرحلہ وار لاگو کیا جائے گا۔
خط میں استدعا کی گئی ہے کہ پاکستان ریلویز ورکنگ گروپ میں نمائندگی کے لیے تکنیکی ٹیم نامزد کرے۔
خیبر پختون خوا: چلڈرن اسپتال کا منصوبہ سرد خانے کی نذر
خیبر پختون خوا انسٹیٹیوٹ آف چائلڈ ہیلتھ چلڈرن اسپتال کا منصوبہ سرد خانے کی نذر ہو گیا۔
خیبر پختون خوا کے سیکریٹری محکمۂ ٹرانسپورٹ محمد زبیر نے ’جیو نیوز‘ سے بات چیت کرتے ہوئے کہا ہے کہ مجوزہ منصوبہ گیم چینجر ہو گا، پہلی مرتبہ صوبائی اور وفاقی حکومتیں مل کر کام کریں گی، اس منصوبے سے کے پی حکومت کو انفرااسٹرکچر کی تعمیر میں بچت ہو گی۔
انہوں نے یہ بھی کہا ہے کہ منصوبے سے ریلوے کا بزنس بڑھے گا اور آمدن بھی ہو گی۔
Post time 2026-3-6 18:10:35
—فائل فوٹو 
