امریکا اور اسرائیل کی طرف سے شروع کی گئی جنگ کے آج آٹھویں دن بھی ایران کے دارالحکومت تہران پر وسیع پیمانے پر حملے جاری ہیں، ایران کی جانب سے بھی ان حملوں کا جواب دینے کا سلسلہ جاری ہے۔
غیر ملکی میڈیا کے مطابق ایران کے مہر آباد ایئر پورٹ پر حملہ کر کے طیاروں کو نشانہ بنایا گیا ہے جبکہ تہران آزادی ٹاور کے قریب بھی امریکا اور اسرائیل نے بم باری کی ہے۔
میڈیا رپورٹس کے مطابق امریکا اور اسرائیل کی جانب سے کی گئی بمباری کے ننتیجے میں کئی عمارتیں تباہ ہو گئیں۔
امریکی سینیٹر نے ایران جنگ پر بار بار موقف بدلنے والی ٹرمپ انتظامیہ کی قلعی کھول دی
امریکا کے ڈیموکریٹک سینیٹر ایڈم شیف نے ایران جنگ کے معاملے پر بار بار موقف بدلنے والی ٹرمپ انتظامیہ کی قلعی کھول دی۔
ایران میں امریکا اور اسرائیل کی جنگ میں اب تک شہداء کی تعداد 1 ہزار 332 ہو گئی ہے۔
امریکا اور اسرائیل کی ایران میں کی گئی بمباری کے نتیجے میں شہید ہونے والوں میں طالبات، خواتین اور بچے بھی شامل ہیں۔
امریکی سینٹرل کمانڈ کا دعویٰ ہے کہ 3 ہزار سے زائد اہداف کو نشانہ بنایا گیا ہے، اب تک 43 ایرانی بحری جہازوں کو نقصان پہنچایا یا تباہ کیا جا چکا ہے۔ ایران کے اسرائیل پر تازہ میزائل حملے
دوسری جانب ایران نے بھی اسرائیل پر تازہ میزائل حملے کیے ہیں، ایران نے تل ابیب اور وسطی اسرائیل کی جانب میزائل داغے ہیں۔
عرب میڈیا کے مطابق اردن نے 2 ایرانی میزائل انٹرسیپٹ کر دیے ہیں۔
Post time 2026-3-7 15:37:34
