|
|
 — فائل فوٹو
امریکی صدر ڈونلڈ ٹرمپ کی انتظامیہ نے اسرائیل کو 151 ملین ڈالر کے بم فروخت کرنے کی منظوری کا فیصلہ کرلیا۔
امریکی محکمہ خارجہ کے مطابق اسرائیل نے 12ہزار، ایک ہزار پاؤنڈ وزنی بم باڈیز خریدنے کی درخواست کی ہے۔ اسرائیل کو بم فروخت کے ساتھ انجینئرنگ، تکنیکی معاونت، لاجسٹکس اور پروگرام سپورٹ بھی شامل ہوگی۔
اس حوالے سے امریکی محکمہ خارجہ کا بتانا ہے کہ دفاعی سامان اور دفاعی خدمات کی اسرائیل کو فوری فروخت قومی سلامتی کے مفاد میں ہے۔ مجوزہ فروخت سے اہم علاقائی اسٹریٹجک اتحادی کی سیکیورٹی بہتر ہوگی۔
امریکی محکمہ خارجہ کے مطابق یہ فروخت اسرائیل کی موجودہ اور مستقبل کے خطرات سے نمٹنے کی صلاحیت بہتر بنائے گی۔
امریکی محکمہ خارجہ کے مطابق آرم ایکسپورٹ کنٹرول ایکٹ کے سیکشن 36 بی کے تحت کانگریس کے جائزے کی شرط معاف کردی گئی ہے۔ |
|
Post time 2026-3-7 18:13:05