پیپلز پارٹی کے رہنما راجہ پرویز اشرف نے کہا ہے کہ پیٹرول یکمشت 55 روپے فی لیٹر منہگا کرنے کو پیپلز پارٹی مسترد کرتی ہے۔
سابق وزیرِ اعظم اور پیپلز پارٹی رہنما نے پیٹرولیم مصنوعات کی قیمتوں میں اضافے پر بیان میں کہا ہے کہ ہماری جماعت پیٹرول کی قیمت میں اضافے کے خلاف پارلیمنٹ میں آوازاٹھائے گی۔
انہوں نے کہا کہ ماہِ مقدس میں پیٹرول کی قیمت میں اضافے سے عوام کی عید کی خوشیاں ماند پڑ جائیں گی، حکومت کو قیمتوں میں اضافے سے قبل عوام کو متبادل ریلیف کا پروگرام دینا چاہیے تھا۔
خطے کا مستقل امن کشمیر کا مسئلہ حل کرنے سے جڑا ہے، راجہ پرویز اشرف
انہوں نے کہا کہ جنوبی ایشیا کے امن کو مودی سرکار کی ہٹ دھرمی کی نذر نہیں کیا جا سکتا۔
راجہ پرویز اشرف نے کہا ہے کہ پیٹرول منہگا کرنے پر پارلیمنٹ کو اعتماد میں لیا جانا چاہیے تھا۔
انہوں نے یہ بھی کہا ہے کہ پیٹرول کی قیمتوں میں اضافے سے منہگائی کا نیا طوفان آئے گا، حکومت گورننس مانیٹرنگ سیل قائم کرے۔
Post time 2026-3-7 18:13:06
پیپلز پارٹی رہنما راجہ پرویز اشرف—فائل فوٹو 
