ایرانی پاسداران انقلاب کے خاتم الانبیا ہیڈکوارٹز نے کہا ہے کہ پڑوسی ممالک کے خلاف اب تک کوئی جارحیت نہیں کی گئی، حملےجاری رہے تو تمام امریکی فضائی اڈے اور امریکی مفادات نشانے پر ہوں گے۔
اس حوالے سے جاری بیان میں کہا گیا کہ صدر کے بیان کی پیروی میں پڑوسی ممالک کے مفادات اور خودمختاری کا احترام کرتے ہیں۔
پاسداران انقلاب نے کہا کہ پڑوسی ممالک کے خلاف اب تک کوئی جارحیت نہیں کی گئی، حملےجاری رہے تو تمام امریکی فضائی اڈے اور امریکی مفادات نشانے پر ہوں گے۔
ایرانی پاسداران انقلاب کا امریکی صدر کو چیلنج
ایرانی پاسداران انقلاب نے امریکی صدر ٹرمپ کو چیلنج دیتے ہوئے کہا کہ ہمت ہے تو امریکی جنگی جہازوں سے آبنائے ہرمز میں تیل بردار جہازوں کو سیکیورٹی دے کر دکھائیں۔
بیان میں کہا گیا کہ حملے جاری رہے تو خشکی، سمندر اور فضا میں امریکی اور صہیونی فوجی اڈے ہدف ہوں گے۔
پاسداران انقلاب نے کہا کہ خطے میں خشکی، سمندر اور فضا میں امریکی و صیہونی مفادات کو بنیادی اہداف سمجھا جائے گا۔
بیان میں مزید کہا گیا کہ خطے میں امریکی اور صہیونی اہداف ایرانی افواج کے شدید اور تباہ کن حملوں کی زد میں آئیں گے۔
عرب میڈیا کے مطابق ایرانی صدر کے بیان کے بعد مسلح افواج کا اعلان سرکاری میڈیا کے ذریعے نشر کیا گیا۔
Post time 2026-3-7 22:46:34
فوٹو: فائل 
