ورلڈ کپ کے لیے کوالیفائی کرنے والی پاکستان ہاکی ٹیم واپس وطن پہنچ گئی ہے۔
اسلام آباد ایئر پورٹ پر پاکستان ہاکی ٹیم کا شاندار استقبال کیا گیا، کھلاڑیوں پر پھولوں کی پتیاں نچھاور کی گئیں اور ہار پہنائے گئے۔
واضح رہے کہ پاکستان ہاکی ٹیم نے مصر میں ورلڈ کپ کوالیفائیر میں شاندار کارکردگی کا مظاہرہ کیا تھا، پاکستان ٹیم نے 8 سال بعد ورلڈ کپ کے لیے کوالیفائی کیا ہے۔
صدر و وزیرِ اعظم کا ہاکی ٹیم کے ورلڈ کپ کیلئے کوالیفائی کرنے پر اظہارِ مسرت
صدرِ مملکت اور وزیرِ اعظم نے ہاکی ٹیم کو طویل وقفے کے بعد ورلڈ کپ کے لیے کوالیفائی کرنے پر خوشی کا اظہار کیا ہے۔
ہاکی ورلڈ کپ 14 اگست سے بیلجیئم اور نیدرلینڈ میں شروع ہو گا جس میں 16 ٹیمیں شرکت کریں گی۔
ورلڈ کپ سے قبل پاکستان ہاکی ٹیم پرو لیگ کے 2 ایونٹ کھیلے گی۔
Post time 2026-3-9 15:03:59
