بالی ووڈ کے معروف اداکار سلمان خان کے والد اور سینئر اسکرین رائٹر سلیم خان برین ہیمرج ہونے کے بعد زیرِ علاج ہیں۔
حال ہی میں ان کے قریبی دوست جاوید اختر نے سلیم خان کی صحت کے بارے میں اپ ڈیٹ دی ہے۔
جاوید اخبر نے بھارتی میڈیا کو انٹرویو میں بتایا کہ سلیم خان اب ٹھیک ہیں اور صحت یاب ہو رہے ہیں، وہ کرسی پر بیٹھ کر بات کر رہے، میرا کہنے کا مطلب ہے کہ ان کی طبیعت پہلے سے بہتر ہے۔
واضح رہے کہ سلیم خان کو بلڈ پریشر ہائی ہونے کے بعد 17 فروری سے اسپتال میں داخل کروایا گیا تھا۔
سلیم خان کی طبیعت مزید بگڑ گئی، سرجری کا امکان
معروف بالی ووڈ اداکار سلمان خان کے والد، سینئر فلم اسکرین رائٹر سلیم خان کو طبیعت خراب ہونے پر گزشتہ روز اسپتال میں داخل کروایا گیا تھا۔
ڈاکٹروں نے ابتدائی طور پر میڈیا کو بتایا تھا کہ انہیں معمولی برین ہیمرج ہوا ہے جس کی وجہ سے اُنہیں فوری طور پر اسپتال میں داخل کر کے ان کا علاج شروع کیا گیا۔
پلمونولوجسٹ ڈاکٹر جلیل پارکر نے بتایا کہ معمولی برین ہیمرج تھا، جس کی وجہ سے ان کی ڈیجیٹل سبٹریکشن انجیوگرافی （ڈی ایس اے） کی گئی۔
میڈیکل ٹیم کے مطابق خون کا بہاؤ بہت کم تھا، اس لیے بڑی سرجری کی ضرورت نہیں پڑی، تاہم ان کی عمر کے باعث ڈاکٹرز نے ان کو عارضی طور پر وینٹی لیٹر پر رکھا اور حالت مستحکم ہونے کے بعد وینٹی لیٹر سے ہٹا دیا۔
Post time 2026-3-9 18:58:21
— فائل فوٹو 
