غزہ میں نسل کشی میں معاونت کرنے پر اٹلی کے خلاف عالمی فوجداری عدالت میں درخواست دائر کردی گئی۔
بین الاقوامی میڈیا کی رپورٹ کے مطابق درخواست میں اٹلی کی وزیراعظم جارجیا میلونی، وزرائے دفاع و خارجہ سمیت دیگر عہدیداران کو نامزد کیا گیا ہے۔
درخواست میں اسرائیل کو ہتھیار فراہم کرنے پر اٹلی کے خلاف کارروائی کی اپیل کی گئی ہے۔
غزہ: اسرائیلی حملے جاری، کم از کم 8 فلسطینی شہید
غزہ پر اسرائیلی حملوں کا سلسلہ جاری، اسرائیلی فوج نے 8 فلسطینیوں کو شہید کردیا۔
رپورٹ کے مطابق درخواست فلسطینی حقوق کے گروپ نے یکم اکتوبر کو جمع کروائی ہے۔
رپورٹ میں بتایا گیا ہے کہ 50 سے زائد قانونی ماہرین اور عوامی شخصیات نے مشترکہ طور پر درخواست دائر کی۔
درخواست میں مؤقف اختیار کیا گیا ہے کہ اٹلی نے اسرائیل کو مہلک ہتھیار دے کر جنگی جرائم میں شمولیت اختیار کی، اٹلی کی حکومت غزہ میں جاری نسل کشی میں شراکت دار ہے۔
Post time 2025-10-10 09:53:20
