تاریخ کا سب سے بڑا تیل کا بحران، آبنائے ہرمز کی صورتحال نے عالمی منڈی کو ہلا دیا

slotcosino · Post time 2026-3-10 15:07:39

---فائل فوٹو

امریکا، اسرائیل اور ایران کے درمیان بڑھتی ہوئی کشیدگی کے باعث دنیا ایک نئے عالمی توانائی بحران کی طرف بڑھ رہی ہے، جسے ماہرین تاریخ کا سب سے بڑا تیل سپلائی شاک قرار دے رہے ہیں۔

رپورٹس کے مطابق عالمی منڈی میں خام تیل کی قیمت میں اضافہ دیکھا گیا، اس کی بڑی وجہ عالمی تیل کی پیداوار کا تقریباً 20 فیصد حصہ مارکیٹ سے کم ہونا بتایا جا رہا ہے، جو یومیہ تقریباً 2 کروڑ بیرل بنتا ہے۔

ماہرین کے مطابق یہ صورتِ حال اس وقت پیدا ہوئی جب اہم سمندری گزرگاہ آبنائے ہرمز میں کشیدگی اور ناکہ بندی کے باعث تیل کی ترسیل شدید متاثر ہوئی، یہ گزرگاہ عالمی توانائی سپلائی کے لیے انتہائی اہم سمجھی جاتی ہے۔

علاقائی کشیدگی کے نتیجے میں یو اے ای اور کویت جیسے بڑے تیل پیدا کرنے والے ممالک نے بھی پیداوار کم کر دی ہے، جبکہ ایران کی تیل کی تنصیبات پر حملوں کے بعد صورتِ حال مزید سنگین ہو گئی ہے۔

آئل ٹینکرز کے اسٹاف کو خطرہ مول لے کر آبنائے ہرمز سے گزرنا چاہیے، امریکی صدر

آئل ٹینکرز کو جرات کا مظاہرہ کرتے ہوئے آبنائے ہرمز سے گزرنا چاہیے، اس میں ڈرنے والی کوئی بات نہيں:ڈونلڈ ٹرمپ

بین الاقوامی مالیاتی ادارے آئی ایم ایف کے مطابق سمندری جہاز رانی میں 90 فیصد تک کمی آ چکی ہے، ادارے کی منیجنگ ڈائریکٹر کا کہنا ہے کہ اہم تیل اور گیس تنصیبات کو نقصان پہنچا ہے جس کے باعث توانائی کی فراہمی رک گئی ہے۔

ایم ڈی آئی ایم ایف کے مطابق ایشیاء اور دنیا کے بیشتر ممالک کے لیے توانائی کا تحفظ اب سب سے بڑا مسئلہ بنتا جا رہا ہے۔

اسی طرح اے این زیڈ گروپ کے چیف اکنامسٹ نے کہا کہ دنیا کے تقریباً 20 فیصد خام تیل کی ترسیل اسی سمندری راستے سے ہوتی ہے، جس کی وجہ سے تیل کی قیمتوں پر مسلسل دباؤ برقرار رہنے کا امکان ہے۔

دوسری جانب جی سیون ممالک نے معاشی استحکام برقرار رکھنے کے لیے ہنگامی تیل ذخائر جاری کرنے پر غور شروع کر دیا ہے۔

ماہرِ توانائی کے مطابق موجودہ صورتِ حال ان بدترین خدشات سے بھی آگے نکل چکی ہے جن کا پہلے تصور کیا جا رہا تھا۔

ماہرین کا کہنا ہے کہ اگر کشیدگی کم نہ ہوئی تو اس بحران کے اثرات صرف توانائی تک محدود نہیں رہیں گے بلکہ عالمی معیشت، مہنگائی اور سپلائی چین پر بھی گہرے اثرات مرتب ہو سکتے ہیں۔

		Remember me	Forgot password?
Password			立即注册

تاریخ کا سب سے بڑا تیل کا بحران، آبنائے ہرمز کی صورتحال نے عالمی منڈی کو ہلا دیا

Related threads